Suśvietnaja handlovaja arhanizacyja dała prava Kanadzie i Mieksicy nakłaści handlovyja sankcyi na ZŠA na sumu 1 młrd dalaraŭ u hod.
Kanada moža pavialičyć taryfy na impart amierykanskaj pradukcyi ŭ ahulnaj kolkaści na 780 młn dalaraŭ, a Mieksika — na 228 młn dalaraŭ.
Pieršapačatkova krainy patrabavali kampiensacyi ŭ try razy bolš pa abjomie.
Handlovaja sprečka pamiž tryma krainami pačałasia ŭ 2009 hodzie, kali ZŠA zapatrabavali, kab kramy vykarystoŭvali śpiecyjalnyja etykietki dla ŭpakovak ź miasam z ukazańniem, dzie žyvioła była narodžanaja, dzie vyroščvałasia i dzie była zabitaja. Heta pavinna było pavysić daśviedčanaść pakupnikoŭ ab pachodžańni praduktaŭ charčavańnia.
Adnak Kanada i Mieksika byli niezadavolenyja hetym rašeńniem, pakolki ŭ vyniku ŭ ZŠA stali mienš vykarystoŭvać žyvioł, vyraščanych u inšych krainach. U vyniku dachody kanadskich i mieksikanskich fiermieraŭ upali.
U ZŠA rašeńniem SHA niezadavolenyja. Va ŭpraŭleńni handlovaha pradstaŭnika ZŠA zajavili, što heta pahražaje svabodnamu handlu ŭ Paŭnočnaj Amierycy, a ŭviadzieńnie pošlin niespryjalna adabjecca na ekanomikach usich troch krain.
Amierykanskija čynoŭniki zaklikajuć Sienat admianić zakon ab abaviazkovym ukazańni pachodžańnia tavaraŭ.
Uviadzieńnie zakona ab abaviazkovym ukazańni pachodžańnia tavaraŭ padtrymali amierykanskija fiermiery, jakija kankurujuć z kanadcami i mieksikancami. Kramy i kampanii, jakija zajmajucca pakavańniem praduktaŭ, byli suprać z-za pavieličeńnia papiarovaj pracy.
Pakul nie jasna, na jakija amierykanskija pradukty Kanada i Mieksika mohuć nakłaści sankcyi.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ34
Kamientary