3—5 lutaha ŭ stalicy Słavienii adbudziecca najbujniejšy na Bałkanach šoukiejs-fiestyval MENTLjubljana, dzie ŭpieršyniu budzie pradstaŭlena sučasnaja biełaruskaja muzyka. Z 60 dasłanych ad našaj krainy zajavak arhanizatary abrali indzi-pop prajekt Mustelidei post-pankavy hurt SuperBesse.
Ahułam na feście vystupiać bolš za 50 artystaŭ z 20 krain, u tym liku z Francyi, Italii, Danii, Vialikabrytanii, Vienhryi. Partnioram MENT Ljubljana ŭ Biełarusi źjaŭlajecca prajekt Experty.by, jaki taksama dapamahaje biełaruskim artystam vystupić na šoŭkiejs-fiestyvalach Tallinn Music Week (Estonija), Vilnius Music Week (Litva), Lost In Music (Finlandyja), Moscow Music Week (Rasija).
– My zacikavilisia biełaruskaj muzykaj, kali minułaj viasnoj ubačyli vystup Super Besse na Tallinn Music Week – hurt maje prosta ašałamlalnuju enierhietyku! – adznačaje bukier MENT Ljubljana Andraž Kajzier. – Aktyŭnaść biełaruskich muzykaŭ nas taksama ŭraziła –Biełaruś patrapiła ŭ top-10 krain pa kolkaści zajavak. Siarod ich było davoli šmat cikavych kalektyvaŭ, u tym liku sa spałučeńniem fołka i sučasnaj muzyki. My staralisia abirać tych, chto na naš pohlad maje maksimalny patencyjał dla mižnarodnaha rynka.
Akramia kancertnych vystupaŭ na MENT Ljubljana budzie adbyvacca i prafiesijnaja kanfierencyja, jakuju naviedajuć pradstaŭniki łejbłaŭ Ghostly International (ZŠA), Beggars Group (Vialikabrytanija), Glitterbeat (Hiermanija/Słavienija), Moonlee Records (Słavienija); bukinh-ahiencyj Paper & Iron (Hiermanija), Toutpartout (Bielhija), Belmont Bookings (Niderłandy), Ink Music (Aŭstryja), Charmenko (Turcyja); fiestyvalaŭ Pohoda (Słavakija), Tallinn Music Week (Estonija), Le Guess Who? (Niderłandy), Taksirat (Makiedonija) i Druga Godba (Słavienija).
Adziny kvitok na ŭsie dni i kancerty fiestyvalu da 18 śniežnia kaštuje 30 jeŭra, prafiesijny propusk (uklučaje kanfierencyju, dostup da bazy kantaktaŭ haściej fiestyvalu i ŭsie kancerty) – 45 jeŭra. Padrabiaznaja infarmacyja na sajcie www.ment.si.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju
Kamientary