Teksty pahadnieńniaŭ ab spraščeńni vizavaha režymu i ab readmisii pamiž Biełaruśsiu i ES hatovyja da parafiravańnia i padpisańnia, zajaviŭ na bryfinhu 9 śniežnia ŭ Minsku dyrektar departamienta Rasii, Uschodniaha partniorstva, Centralnaj Azii, rehijanalnaha supracoŭnictva i ABSIE Jeŭrapiejskaj słužby źniešnich dziejańniaŭ Hunar Vihand.
Pavodle jaho słoŭ, adzinaj pieraškodaj źjaŭlajecca toje, što dypłamatyčnyja pašparty ŭ Biełarusi pakul nie adpaviadajuć tym «vysokim patrabavańniam u śfiery biaśpieki», jakija pavinny pradjaŭlacca naroŭni sa zvyčajnymi pašpartami hramadzian Biełarusi.
Nahadajem, Biełaruś i Jeŭrasajuz praciahvajuć pracu nad pahadnieńniem ab palahčeńni vizavaha režymu ŭžo niekalki hadoŭ.
22 maja hetaha hoda paśla samitu Uschodniaha partniorstva ŭ Ryzie kiraŭnik MZS Biełarusi Uładzimir Makiej zajaviŭ žurnalistam, što pahadnieńni ab spraščeńni vizavaha režymu i readmisii nie byli parafiravanyja ŭ ramkach forumu nie pa vinie Biełarusi. «My pracavali ź Jeŭrasajuzam nad pytańniem zaklučeńnia pahadnieńniaŭ, — skazaŭ jon. — Heta była inicyjatyva našaha prezidenta. Było praviedziena niekalki kansultacyj. My dastatkova paśpiachova prasunulisia pa pytańniach zaklučeńnia hetych pahadnieńniaŭ. I mahu skazać, što faktyčna my znachodzimsia blizka da finalnaj stadyi».
Pa słovach Makieja, biełaruski bok pa prośbie jeŭrapiejskich partnioraŭ navat pačaŭ praceduru ŭnutranaha ŭzhadnieńnia hetych dakumientaŭ dla taho, kab uzvažyć, nakolki jany adpaviadajuć nacyjanalnym intaresam. «Ale na niejkim etapie našy partniory znajšli niejkija techničnyja začepki, jakija nie dazvolili nam vyjści na parafiravańnie hetych pahadnieńniaŭ na hetym samicie, — adznačyŭ Makiej. — Tamu my praciahvajem pracu nad imi, damovilisia, što ekśpierty buduć sustrakacca. Paviercie, heta absalutna nie pa našaj vinie».
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary