«Pakaleńnie Abamy»? Moładź ZŠA choča nakiravać armiju suprać IDzIŁ, ale nie choča słužyć
Bolšaść maładych amierykancaŭ padtrymlivajuć naziemnuju apieracyju suprać «Isłamskaj dziaržavy», śviedčyć hruntoŭnaje apytańnie, jakoje pravioŭ Harvardski instytut palityki.
Takoha mierkavańnia prytrymlivajucca 60% maładych ludziej va ŭzroście ad 18 da 29 hadoŭ.
U toj ža čas 62% apytanych admaŭlajucca asabista brać udzieł u vajennych dziejańniach, navat kali krainie spatrebicca bolšaja kolkaść sałdat.
I tolki mienš za 20% hatovyja pajści ŭ armiju, kali krainie spatrebicca dla viadzieńnia vajny bolš sałdat.
U cełym siarod moładzi bolš prychilnikaŭ Demakratyčnaj partyi, da jakoj naležyć Barak Abama (jon kiruje krainaj apošnija 8 hod). 56% maładych ludziej chacieli b, kab u 2016 hodzie prezidentam krainy byŭ abrany demakrat. Moładź prarespublikanskich pierakanańniaŭ składaje prykładna 36% ad ahulnaj kolkaści apytanych.
Pry hetym maładyja demakraty, prychilniki levalibieralnych kaštoŭnaściaŭ i «pravoŭ ŁHBT», składajuć minimalnuju častku tych, chto hatovy słužyć i pamirać u toj vajnie, za jakuju jany vystupajuć.
Siarod toj moładzi, jakaja ciapier słužyć u amierykanskaj armii abo zajaŭlaje pra svajo žadańnie pajści słužyć u vypadku patreby, demakraty składajuć usiaho tolki 11%, u toj čas jak u cełym mienš šmatlikija respublikancy — 24%.
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ9
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary