Pradstaŭniki biełaruskaj apazicyi 15 śniežnia sustrelisia z kanclerkaj Hiermanii Anhiełaj Mierkiel.
14—15 śniežnia ŭ Karłsrue prachodzić źjezd Chryścijanska-demakratyčnaha sajuza (CHDS) Hiermanii. Pa zaprašeńni arhanizataraŭ u im biaruć udzieł biełaruskija apazicyjnyja palityki: pieršy namieśnik staršyni ruchu «Za Svabodu» Juryj Hubarevič, staršynia Abjadnanaj hramadzianskaj partyi Anatol Labiedźka i sustaršynia arhkamiteta pa stvareńni partyi «Biełaruskaja chryścijanskaja demakratyja» Vital Rymašeŭski.
«Heta była karotkaja sustreča i sumiesnaje fota ź biełaruskaj delehacyjaj. My padziakavali lidara Jeŭropy za jaje paśladoŭnaść i pryncypovaść u adstojvańni kaštoŭnaściaŭ. Jašče adnym našym pasłańniem była prośba nie zabyvać pra Biełaruś», — cytuje staršyniu AHP pres-słužba partyi.
Pavodle słoŭ Labiedźki, Mierkiel adkazała, što «pastarajecca».
Lidar AHP taksama paviedamiŭ, što delehacyja praviała «kala dziasiatka sustreč i pieramoŭ z deputatami bundestaha, pradstaŭnikami niaŭradavych arhanizacyj». «Vialiki plus, što my havorym adnym hołasam. Heta ŭzmacniaje pasłańnie», — zajaviŭ Labiedźka.
Ciapier čytajuć
Zahinuŭ biełaruski dobraachvotnik Vasil «Dzir» Rapicki11
Kamientary