Malcaŭ: Sioleta na biełaruska-ŭkrainskaj miažy kanfiskavali 53 adzinki zbroi
Staršynia Dziaržaŭnaha pahraničnaha kamiteta Biełarusi Leanid Malcaŭ aceńvaje situacyju na biełaruska-ŭkrainskaj miažy jak štatnuju.
«Stanovišča na miažy narmalnaje, jak havorycca, štatnaje. U nas poŭnaje razumieńnie z ukrainskimi pamiežnikami, usie prablemy my vyrašajem. Ale incydentaŭ šmat takich, zbor dzikarosłych jahad, kantrabanda. Jość i bolš surjoznyja — sproba pieravozu zbroi, narkotykaŭ, bojeprypasaŭ», — zajaviŭ Malcaŭ u čaćvier u parłamiencie, pradstaŭlajučy zakonaprajekt ab ratyfikacyi Pahadnieńnia pamiž uradami Biełarusi i Ukrainy ab dziejnaści pahraničnych upaŭnavažanych.
Pa słovach Malcava, z pačatku hetaha hoda biełaruskija pamiežniki zatrymali 53 adzinki zbroi, 500 bojeprypasaŭ, a taksama narkotyki.
Kiraŭnik Dziaržpahrankamiteta jašče raz padkreśliŭ, što abstanoŭka na miažy znachodzicca pad kantrolem.
Nahadajem, napiaredadni Alaksandr Łukašenka pravioŭ naradu ź siłavym błokam, dzie cikaviŭsia umacavańniem paŭdniovych miežaŭ.
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 20263
Kamientary