Chto ŭznačaliŭ Ministerstva handlu? Piać faktaŭ pra Uładzimira Kałtoviča
Siońnia Alaksandr Łukašenka padpisaŭ ukaz ab pryznačeńni členaŭ urada. Siarod uradoŭcaŭ źmianiŭsia tolki adzin čałaviek. Zamiest Valancina Čakanava ministram handlu staŭ 49-hadovy Uładzimir Kałtovič,
choć mnohija čakali, što viedamstva ŭznačalić siońniašniaja namieśnica Iryna Narkievič.
Kałtovič pracavaŭ namieśnikam ministra u pieryjad 2009—2010 hadoŭ.
Za apošni hod Ministerstva handlu stała adnym z najbolš paznavalnych u miedyja, ich pravierak bajacca kramy i kaviarni. «NN» pryhladziełasia, chto ž uznačaliŭ Minhandlu.
Pracavaŭ daradcam-pasłańnikam u pasolstvie Biełarusi ŭ Rasii
Apošnim miescam pracy Uładzimira Kałtoviča było biełaruskaje pasolstva ŭ Maskvie. Tam čynoŭnik adpracavaŭ try hady – ad śniežnia 2012 hoda. Kuryravaŭ jakraz pytańni handlu.
«Na źjeździe «Sajuzmałako» spadar Aniščanka skazaŭ, što Mytny sajuz — heta pierš za ŭsio rynak. Heta padkreślivaje žadańnie Novaj Ziełandyi ŭ lubym varyjancie atrymać dostup na hety małočny rynak. U suviazi z hetym pytańnie — «Kamu tut pradavać?» — stanovicca najvažniejšym». Kazaŭ Kałtovič z notkaj kryŭdy, što biełaruskaje małako traplaje na rasijski rynak zusim nie ŭ tych abjomach, na jakija spadziavaŭsia Minsk.
Jašče Kałtovič adznačaŭ, što ledźvie nie kožny piaty biełaruski kantrakt zaklučajecca ŭ Rasii z machlarami. I ŭ 2015 hodzie situacyja z hetym zaŭvažna pahoršała.
Rodam z Červienia, pracavaŭ va ŭniviermahu «Biełaruś»
Uładzimir Kałtovič naradziŭsia 1 kastryčnika 1966 u Červieni. Skončyŭ BDEU (1992) i Akademiju kiravańnia pry prezidencie (2001).
Kałtovič pracavaŭ namieśnikam hienieralnaha dyrektara ŭ bujnych minskich kramach: univiermahu «Biełaruś» i handlovym domie «Na Niamizie». Byŭ namieśnikam kiraŭnika Zavodskaha rajona Minska. Uznačalvaŭ minskuju haradskuju fiederacyju handboła.
Adkazvaŭ za kanflikt z pradprymalnikami Červieńskaha rynka
Najbolš publičnaj pasadaj u bijahrafii Uładzimira Kałtoviča było namieśnictva staršyni Minskaha harvykankama ŭ časy Mikałaja Ładućki. Tady sama namieśnikam byŭ Michaił Vasiljeŭ, jakoha pasadzili za chabar.
Uładzimir Kałtovič adkazvaŭ za situacyju ź pieranosam Červieńskaha rynka. Niekatoryja pradprymalniki zhadvali jaho dobrym słovam, kazali, kab nie Kałtovič, to rynak prosta b razahnali, a nie pieranieśli na inšaje miesca.
Vusnami Kałtoviča ahučvałasia rašeńnie ab zabaronie ŭ Minsku prodažu pładova-jahadnych napojaŭ, tak zvanaha «čarniła». Tady jon skazaŭ tak: «Zabarona na realizacyju pładova macavanych vinaŭ, upeŭnieny, budzie stanoŭča ŭspryniata minčukami, haściami stalicy, i my, moža być, pastupova advučym peŭnuju katehoryju asob ad hetaha napoju i piarojdziem da lahčejšych vidaŭ pradukcyi».
Praŭda, litaralna praz paru tydniaŭ Łukašenka raskrytykavaŭ hetaje rašeńnie: «Hetyja zabarony ničoha tałkovaha nie daduć». I Minharvykankam adkruciŭ usio nazad.
Niekalki razoŭ za podpisam Kałtoviča apazicyjnym aktyvistam admaŭlałasia ŭ praviadzieńni vuličnych akcyj.
Karystajecca Fejsbukam i Ukantakcie
Na Zachadzie, dy navat u Rasii ci Ukrainie, ujavić palityka ci ŭradoŭca biez fejsbuka ci tvitara siońnia faktyčna niemahčyma. U Biełarusi ž čynoŭniki ŭsio jašče ź niedavieram staviacca da sacyjalnych sietak. Niekatoryja chiba što majuć akaŭnt u «Adnakłaśnikach».
Uładzimir Kałtovič u hetym płanie, zdajecca, maje inšy padychod. Jon, prynamsi, zarehistravany ŭ fejsbuku. Adkazvaje na kamientary na svajoj staroncy.
Naprykład, dyrektar hatela «Nioman» Michaił Malikin, ubačyŭšy aficyjny zdymak Kałtoviča, padtrolvaje: maŭlaŭ, vadzičku varta było b zamianić na ajčynnuju. Kałtovič adkazvaje: «Pieradam vašu zaŭvahu maskvičam. A moža, adrazu dašli «Niomanskaj». Dva ešałony», — znajšoŭsia što adkazać budučy ministr.
A na inšuju zaŭvahu, kali viartajecca ŭ Minsk, 27 listapada Kałtovič adkazaŭ: «Jak Boh daść».
Z fejsbuka možna daviedacca, što Kałtovič žanaty ad 17 lipienia 1992 hoda. Śpis jahonych siabroŭ, na žal, niedastupny. A voś fotazdymki jość nie tolki aficyjnyja, ale i ŭ niefarmalnaj abstanoŭcy. Padpisany na supołki «Minsk turystyčny» i «Hitara.by».
U sacsietcy Ukantakcie ŭ Kałtoviča tolki adzin siabra, a apošni raz zaziraŭ tudy čynoŭnik 10 listapada. Spadziajemsia, što z pryznačeńniem na adkaznuju pasadu Kałtovič nie vydalicca z sacsietak.
Dzie žyvie?
Doŭhi čas Kałtovič žyŭ u Čyžoŭcy, a ź ciaham času zajmieŭ trochpakajoŭku płoščaj 67 m2 na vulicy Žukoŭskaha, zusim pobač ad prajektavanaj stancyi mietro «Kavalskaja słabada». U 2000 dom pabudavała dolevym sposabam Upraŭleńnie kapitalnaha budaŭnictva Minharvykankama.
Ministry handlu za časami Łukašenki:
1. Piatro Kazłoŭ (1995-2001)
2. Alaksandr Kuličkoŭ (2001-2005)
3. Alaksandr Ivankoŭ (2005-2009)
4. Valancin Čakanaŭ (2009 — 17 śniežnia 2015)
5. Uładzimir Kałtovič (17 śniežnia 2015 - da ciapierašniaha času)
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak9
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary