Hiercah i hiercahinia Kiembrydžskija apublikavali novuju aficyjnuju fatahrafiju ź dziećmi — pryncam Džordžam i pryncesaj Šarłotaj, źniatuju ŭ sadzie ich aficyjnaj rezidencyi, Kiensinhtonskim pałacy ŭ centry Łondana.
Jany taksama paviedamili, što ŭ studzieni addaduć chłopčyka ŭ dziciačy sad, arhanizavany pa sistemie Mantesory, u Norfałku, niedaloka ad ich rezidencyi Anmier-Choł.
Razam z fatahrafijaj prync Uiljam, starejšy ŭnuk brytanskaj karalevy Lizaviety II, i jaho žonka Ketryn vypuścili zajavu, u jakoj vykazali padziaku za padtrymku i pavahu da ich pryvatnaha žyćcia.
Jak paviedamlajecca, prync Džordž z pačatku nastupnaha hoda budzie chadzić u dziciačy sad «Uestejkr», jaki znachodzicca ŭ Norfałku, niedaloka ad siamiejnaha doma Uiljama i Kiejt.
Prync Džordž — pieršy ŭ historyi brytanskaj karaleŭskaj siamji, chto ŭ hetak rańnim uzroście pojdzie ŭ zvyčajny dziciačy sadok. Jaho baćki nieadnarazova kazali pra svajo žadańnie zabiaśpiečyć svaim dzieciam jak maha bolš narmalnaje žyćcio.
Pradstaŭnik dziciačaha sadka «Uestejkr» užo zajaviŭ, što tam ź nieciarplivaściu čakajuć prynca, jaki budzie tam znachodzicca na ahulnych pravach, hetak ža, jak i astatnija dzieci.
Tym nie mienš, z-za prynca Džordža ŭ dziciačym sadku buduć niepaźbiežna ŭzmocnienyja achova i miery biaśpieki.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary