Samit u Maskvie. Pucin sustreniecca z Atambajevym i Nazarbajevym, ale nie z Łukašenkam
Uładzimir Pucin praviadzie «na palach» samitaŭ ADKB i Najvyšejšaj jeŭrazijskaj ekanamičnaj rady u paniadziełak dvuchbakovyja sustrečy sa svaimi kalehami z Kazachstana i Kyrhyzstana Nursułtanam Nazarbajevym i Ałmaźbiekam Atambajevym. Asobnaj hutarki z Alaksandram Łukašenkam, jak skazaŭ pamočnik prezidenta RF Juryj Ušakoŭ, nie płanujecca. Pra heta paviedamlaje ria.ru.
Ušakoŭ nahadaŭ, što pieramovy Pucina z Łukašenkam adbylisia na minułym tydni, i paviedamiŭ, što asobnaha kantaktu ŭ ramkach samitaŭ nie płanujecca. Pa słovach pamočnika prezidenta RF, Pucin i Łukašenka abmiarkoŭvali pytańnie ab mahčymaści pradastaŭleńnia kredytu Minsku z fondaŭ JEAES, adnak niejkich rašeńniaŭ pakul niama, i abmierkavańnie budzie praciahnuta. U toj ža čas jon adznačyŭ, što ŭ jakaści pryjarytetnych pytańniaŭ samitaŭ heta tema nie značycca, ale nie vyklučyŭ, što jana moža być zakranutaja padčas niefarmalnaj abmierkavańnia.
Pa słovach Ušakova, na pieramovach Pucina z Nazarbajevym buduć abmiarkoŭvacca pytańni rehijanalnaha i mižnarodnaha paradku dnia, u tym liku situacyja ŭ Siryi i Ukrainie, a hałoŭnaj temaj sustrečy z Atambajevym stanuć pytańni handlova-ekanamičnaha supracoŭnictva ŭ kantekście dałučeńnia Kyrhyzstana da JEAES.
Adnoj z centralnych tem dla abmierkavańnia lidaraŭ krain ADKB stanie supraćdziejańnie teraryzmu i ekstremizmu, buduć padviedzieny vyniki pieršaha hoda pracy JEAES. Asobna płanujecca zakranuć temu pahłybleńnia handlova-ekanamičnaha supracoŭnictva z Kitajem, uklučajučy spałučeńnie JEAES z prajektam Kitaja «Ekanamičny pojas Novaha šaŭkovaha šlachu». Akramia taho, na samitach płanujecca abrać novaha Hienieralnaha sakratara ADKB i skład Jeŭrazijskaj ekanamičnaj kamisii.
***
ADKB była zasnavanaja ŭ 2002 hodzie, i ciapier u jaje ŭvachodziać šeść dziaržaŭ: Armienija, Biełaruś, Kazachstan, Kyrhyzstan, Rasija i Tadžykistan. Raniej členam arhanizacyi byŭ i Uźbiekistan, ale jaho ŭdzieł prypyniena ŭ śniežni 2012 hoda.
Jeŭrazijski ekanamičny sajuz stvorany ŭ 2014 hodzie na bazie Mytnaha sajuza Rasii, Kazachstana i Biełarusi. Akramia ich, u JEAES ciapier uvachodziać Armienija i Kirhizija.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary