Na praciahu 2016-2017 hadoŭ biełaruskaje vojska atrymaje sučasnuju rakietnuju techniku i bolš sučasnyja rakietnyja kompleksy. Heta adbudziecca ŭ metach vykanańnia daručeńniaŭ kiraŭnika dziaržavy pa stvareńni ajčynnaha rakietabudavańnia, paviedamiŭ ministr abarony hienierał-lejtenant Andrej Raŭkoŭ u intervju prahramie «Arsienał» telekampanii «VajenTB».
Pavodle jaho słoŭ, «ciapier adznačajecca stanoŭčaja dynamika ŭ vyrašeńni pytańnia ab pryniaćci na ŭzbrajeńnie novaj reaktyŭnaj sistemy załpavaha ahniu «Pałanez» (jana stralaje na 200 km).
Ministr abarony zajaviŭ, što «adnoj z pryjarytetnych zadač raźvićcia Uzbrojenych siłaŭ źjaŭlajecca pavyšeńnie jakasnych charaktarystyk ŭzoraŭ vajennaj techniki, što staić na ŭzbrajeńni». Heta i madernizacyja najaŭnych uzoraŭ vajennaj i śpiecyjalnaj techniki, tak i zakupka novaj, «bolš daskanałaj».
Pavodle słoŭ Raŭkova, za apošnija piać hadoŭ VPS i vojskami SPA praviedziena i praciahvajecca vialikaja praca, vynikam jakoj užo stali zakupka i pryniaćcie na ŭzbrajeńnie sučasnaha zienitnaha rakietnaha kompleksu «Tor-M2» u składzie dyvizijona, zakupka najnoŭšych samalotaŭ Jak-130, a taksama zakupka čatyroch zienitnych rakietnych dyvizijonaŭ S-300PS u miežach vajenna-techničnaha supracoŭnictva z Rasijaj.
U najbližejšaj pierśpiektyvie — abnaŭleńnie parka avijacyjnaj techniki, zienitnych rakietnych i radyjotechničnych vojskaŭ. «Heta budzie adbyvacca jak u miežach dvuchbakovaha vajenna-techničnaha supracoŭnictva z Rasijaj — zakupka samalotaŭ Su-30, Jak-130, ZRK «Tor-M2», tak i za košt vytvorčych mahutnaściej ajčynnaha vajenna-pramysłovaha kompleksu — zakupka radyjołakacyjnych stancyj novaha pakaleńnia, aparatury kompleksnaj abarony latalnych aparataŭ ad vysokadakładnaj zbroi, madernizacyja ŭzoraŭ techniki, što staić na ŭzbrajeńni», — cytuje słovy hienierał-lejtenanta Andreja Raŭkova BiełaPAN.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary