Łukašenka: Nastupny hod budzie vielmi składanym, takoha hoda ŭ historyi našaj krainy jašče nie było

Fota nosić ilustracyjny charaktar, Maskva, 21.12.2015, president.gov.by

Kiraŭnik dziaržavy pryznačyŭ:

Paźniaka Alaksandra Ryhoraviča — pamočnikam prezidenta Respubliki Biełaruś — hałoŭnym inśpiektaram pa Viciebskaj vobłaści; 

Hurjanava Alaksandra Jaŭhienaviča — Nadzvyčajnym i Paŭnamocnym Pasłom Respubliki Biełaruś u Italjanskaj Respublicy, Pastajannym pradstaŭnikom Respubliki Biełaruś pry Charčovaj i sielskahaspadarčaj arhanizacyi Abjadnanych Nacyj pa sumiaščalnictvie.

Łukašenka daŭ zhodu na pryznačeńnie:

Haradzieckaha Dźmitryja Mikałajeviča — staršynioj Žabinkaŭskaha rajvykankama,

Zajčuka Valancina Michajłaviča — staršynioj Kamianieckaha rajvykankama,

Šuma Mikałaja Mikałajeviča — staršynioj Małaryckaha rajvykankama,

Askierki Viktara Vitaleviča — namieśnikam staršyni Viciebskaha abłvykankama,

Sabyniča Hienadzia Hienadzieviča — staršynioj Viciebskaha rajvykankama,

Snarava Alaksandra Ivanaviča — staršynioj Šumilinskaha rajvykankama, 

Mikałuckaha Alaksandra Viktaraviča — pieršym namieśnikam staršyni Homielskaha abłvykankama,

Hajkieviča Dźmitryja Ściapanaviča — staršynioj Žytkavickaha rajvykankama,

Archipienki Aleha Leanidaviča — staršynioj Vietkaŭskaha rajvykankama,

Dzienisienku Siarhieja Fiodaraviča — staršynioj Rahačoŭskaha rajvykankama,

Kazieckaha Siarhieja Ivanaviča — staršynioj Lubanskaha rajvykankama,

Lenkaŭca Siarhieja Dźmitryjeviča — staršynioj Puchavickaha rajvykankama,

Babičava Alaksandra Mikałajeviča — staršynioj Biarezinskaha rajvykankama,

Laŭkoviča Siarhieja Viktaraviča — staršynioj Uździenskaha rajvykankama,

Klimava Viktara Dźmitryjeviča — prakuroram Bresckaj vobłaści,

Mukviča Uładzimira Valerjeviča — namieśnikam ministra pa padatkach i zborach,

Sidaroviča Viktara Ivanaviča — dyrektaram Departamienta dziaržaŭnaj inśpiekcyi pracy Ministerstva pracy i sacyjalnaj abarony,

Małašanki Michaiła Piatroviča — namieśnikam staršyni Dziaržaŭnaha kamiteta pa standartyzacyi - dyrektaram Departamienta pa enierhaefiektyŭnaści,

Zavałava Ihara Uładzimiraviča — členam Homielskaha abłvykankama,

Ihnatava Paŭła Uładzimiraviča — členam Minskaha abłvykankama,

Stadolnika Valeryja Francaviča — členam Minskaha abłvykanama.

***

Łukašenka daručyŭ novamu pamočniku prezidenta Respubliki Biełaruś — hałoŭnamu inśpiektaru pa Viciebskaj vobłaści Alaksandru Paźniaku sumiesna z hubiernataram stvaryć narmalny rezierv kadraŭ, na jakich im nadalej pryjdziecca abapiracca ŭ vobłaści.

«Prablem u Viciebskaj vobłaści zvyšdastatkova, i niekatoryja ź ich nosiać chraničny charaktar, jany nie pieršy hod jość, niekatoryja jašče z savieckich časoŭ, — miarkuje kiraŭnik dziaržavy. — Tamu razam, u adnoj upražcy z hubiernataram vy pavinny pracavać pa pytańniach ekanamičnaha i sacyjalna-ekanamičnaha raźvićcia vobłaści i rabić maksimum dla taho, kab Viciebskaja vobłaść zaniała hodnaje miesca ŭ sistemie našaj krainy».

Asobna kiraŭnik dziaržavy spyniŭsia na prablemie kadraŭ: «Što tyčycca kadraŭ, tut u Vas pavinna być ŭłasnaje mierkavańnie. Bo vy jašče i inśpiektar pa Viciebskaj vobłaści i inśpiektujcie ŭsio i ŭsia, što znachodzicca ŭ vobłaści, źjaŭlajeciesia vačyma i vušami prezidenta, to jość u vas dvajakaja rola».

Pryznačajučy Alaksandra Hurjanava Pasłom u Italii, Łukašenka skazaŭ: «U budučym hodzie Ministerstva zamiežnych spraŭ pavinna zajmacca amal tolki źniešnieekanamičnaj dziejnaściu, a dakładniej — źniešnim handlem».

(…)

Łukašenka taksama asablivuju ŭvahu nadaŭ pytańniam dyscypliny i paradku: «Biez dyscypliny i paradku ničoha nie zrobicie. Nie budzie žaleznaha paradku, tołku nie budzie».

Pryznačajučy kiraŭnikoŭ miascovaj viertykali ŭłady, jon padkreśliŭ: «I jašče adno pytańnie jakraz na złobu dnia, jakoje mianie chvaluje: vielmi šmat padnačalenych, pryjšoŭšy ŭ hetuju pasadu (choć ja vas papiaredžvaju, što vy na pieradavoj, tvaram da tvaru ź ludźmi) pačynajuć palapšać svaje žyllovyja ŭmovy. Ja nie suprać, ale — za vaš ułasny rachunak». Alaksandr Łukašenka zaŭvažyŭ, što «vielmi šmat staršyniaŭ rajvykankamaŭ na hetym pahareli».

Jon taksama papiaredziŭ: «Kali vy idziacie na hetuju pasadu, vy pavinny viedać, što vy jak na škle praśviečvajuć z usich bakoŭ, i ludzi vas bačać.

Nastupny hod budzie vielmi składanym, śmieju zaŭvažyć, što takoha hoda ŭ historyi našaj krainy nie było. Abvaliłasia Rasija, što robicca va Ukrainie (a heta naš druhi rynak), Kazachstan asieŭ. I nam treba prosta vystajać.

I kali my budziem pracavać, nie reahujučy na ludziej, ich prapanovy, zaŭvahi, nia padtrymlivajučy ich, a stvarajučy svajo materyjalnaje stanovišča, to takaja ŭłada narodu nie patrebnaja. Tamu ja prašu vas zasvoić heta ».

Łukašenka padkreśliŭ, što va ŭsich vyrazna vyznačany zony adkaznaści i treba ŭ adpaviednaści z hetym pracavać. Ale intaresy ludziej pavinny być samym hałoŭnym u pracy čynoŭnikaŭ. Ludzi pavinny mieć mahčymaść pracavać i zarablać. Kiraŭnik dziaržavy adznačyŭ, što da pradstaŭnikoŭ ułady i nadalej buduć pradjaŭlacca samyja vysokija patrabavańni.

• 0
• 0
• 0
• 0
• 0
• 0
• 0
• 0