Pad sankcyi ZŠA ŭ dačynieńni Rasii trapili i dva biełaruskija banki
Ministerstva finansaŭ ZŠA ŭ aŭtorak pašyryła siektaralnyja sankcyi ŭ dačynieńni da rasijskich kampanij i ich daččynych struktur z-za situacyi va Ukrainie. U apublikavanym pieraliku apynulisia i biełaruskija «dočki» Śbierbanka i Banka VTB. Pra heta havorycca ŭ paviedamleńni Minfina ZŠA.
Pad abmiežavańni patrapili VTB24, «Śbierbank» i Bank VTB i ich daččynyja struktury ŭ Biełarusi i Ukrainie, a taksama servis płaciažoŭ «Jandeks.Hrošy», Hałs-Deviełopmient, Navikombank i inšyja.
Akramia hetaha pad sankcyi trapili šerah palitykaŭ i top-mieniedžieraŭ.
Taksama ŭ śpis trapili ŭkrainskija palityki, jak ŁNR, tak i DNR, były ministr adukacyi i navuki Ukrainy Dźmitryj Tabačnik, były kiraŭnik MUS Ukrainy Vital Zacharčanka.
Taksama ŭ sankcyjnych śpisie apynuŭsia šviedski advakat Śvien Olsan, jaki, pa niekatorych dadzienych, byŭ źviazany z kampanijaj Gunvor Hienadzia Cimčanki.
U lipieni pad sankcyi ZŠA trapili struktury «Rośniefci» i VEBa, Ižeŭski miechaničny zavod, «Kancern Ižmaš», chołdynh MAKA, niekalki abjektaŭ u Krymie. Pad razdaču trapiŭ i biełaruski Bank BiełVEB.
Pa fakcie hetyja «dočki» i da siońniašniaha momantu nie mahli pryciahvać doŭhaterminovaje finansavańnie i raźmiaščać akcyi ŭ ZŠA, źjaŭlajučysia daččynymi strukturami jakija trapili pad sankcyi kampanij. Adnak Minfin vyrašyŭ i ich ŭnieści ŭ sankcyjnych śpis, kab pamienšyć vierahodnaść ŭchileńnia ad sankcyj.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary