Ispanskaja palicyja kanfiskavała ŭ kantrabandystaŭ kala troch ton kakainu, jakija pryznačalisia dla paŭdniovych rehijonaŭ krainy.
Apieracyja pa kanfiskacyi narkotykaŭ pravodziłasia ŭ rehijonie Halisija na paŭnočnym zachadzie krainy. U apošni raz partyju takoha pamieru ŭ rehijonie pierachoplivali ŭ 1999 hodzie.
U chodzie apieracyi ŭdałosia zatrymać jak narkakurjeraŭ, tak i pakupnikoŭ z pradaŭcami. Kurjery akazalisia ispancami, pradaŭcy — hałandcami, a pakupniki — brytancami.
Usiaho zatrymanyja 12 čałaviek. Padrabiaznaści ab apieracyi pakul nie pryvodziacca. U pryvatnaści, palicyja admoviłasia paviedamić, jak vyjšła na śled narkahandlaroŭ.
Narkamafija ŭžo doŭhija hady vykarystoŭvaje Halisiju dla ŭvozu narkotykaŭ u Jeŭropu. U hetuju prybiarežnuju vobłaść zručna dastaŭlać łacinaamierykanski kakain i afrykanski hašyš.
Pry hetym narkahandlary aktyŭnyja i ŭ inšych rehijonach krainy. U pryvatnaści, za apošnija dva miesiacy palicyja karaleŭstva zatrymała adrazu troch mierkavanych narkabaronaŭ.
Kamientary