Sprava za kradziež na padstavie č. 3 art. 205 KK raspačataja ŭ dačynieńni da 55-hadovaj biespracoŭnaj žycharki stalicy. Jana padazrajecca ŭ kradziažy hrošaj, zabytych pakupnicaj u aptecy.
Jak paviedamlaje HUUS Minharvykankama, niekalki dzion tamu dziaŭčyna z-za ŭłasnaj niaŭvažlivaści pakinuła ŭ aptecy karobku, u jakoj było 52 młn. rubloŭ, jakija naležać jaje siabroŭcy. Naviedvalnica, što stajała za joj ŭ čarzie, zaŭvažyła heta, adnak nie pasprabavała viarnuć rečy, a kali ŭbačyła źmieściva karobki, prysvoiła jaje. Navakolnym skazała, što ŭnutry karobki ŭkazany numar telefona, pa jakim jana sama źviažacca ź jaje ŭładalnikam i viernie hrošy.
Pra zabytyja hrošy dziaŭčyna ŭspomniła praź niekatory čas, kali sustrełasia ź siabroŭkaj. Dziaŭčaty pajšli ŭ apteku, adnak karobki nie znajšli. Jany źviarnulisia ŭ milicyju.
Padčas apieratyŭna-vyšukovych mierapryjemstvaŭ, pry prahladzie zapisaŭ kamier videanazirańnia na najbližejšych abjektach, byŭ ustanoŭleny złačynca. Vyjaviłasia, što heta 55-hadovaja biespracoŭnaja žycharka stalicy. Vykradzienyja hrošy znachodzilisia ŭ jaje doma i byli kanfiskavanyja supracoŭnikami adździeła kryminalnaha vyšuku Pieršamajskaha RUUS poŭnaściu.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA15
Kamientary