Trahiedyja zdaryłasia na pravasłaŭnaje Rastvo.
U Kobrynie dzieviacihadovaja dziaŭčynka padčas svarki ŭdaryła nažom svaju babulu, praz try dni žančyna pamierła.
Pra heta paviedamiŭ siońnia padčas pres-kanfierencyi načalnik UUS Bresckaha abłvykankama Fiodar Balejka.
Trahiedyja adbyłasia 7 studzienia kala 21:00. Siamja śviatkavała Kalady. Darosłyja pili.
Kanflikt adbyŭsia na kuchni, dzie znachodziłasia babula. U niejki momant tudy zabiehła dziaŭčynka 2006 naradžeńnia.
Pavodle papiaredniaj viersii, pažyłaja žančyna ŭdaryła dziaŭčynku i ciahała jaje za vałasy. Abaraniajučysia, unučka schapiła nož sa stała i dvojčy ŭdaryła im 58-hadovuju žančynu ŭ žyvot.
Dačka paciarpiełaj — maci dziaŭčynki — pieraviazała paranienuju, ale da miedykaŭ źviartacca nie stała. Praz try dni, 11 studzienia ŭ 16.20, piensijanierka pamierła ŭ kvatery.
Abstaviny trahiedyi ŭdakładniajucca. Na miescy zdareńnia pracuje apieratyŭna-śledčaja hrupa.
Viadoma, što siamja ličyłasia nieščaślivaj, znachodzicca ŭ sacyjalna niebiaśpiečnym stanoviščy. Na vychavańni tam znachodzicca čaćviora dziaciej.
Baćka ŭ hety čas byŭ na zarobkach u Rasii.
Zahinułaja piensijanierka 1959 naradžeńnia była nieadnarazova sudzimaja za kradziažy. Maci dziaŭčynki raniej złoŭžyvała śpirtnymi napojami.
«Napeŭna, orhany apieki i papiačycielstva niešta nie ŭličyli ŭ svajoj pracy, nie dajšli da taho, kab usio ž taki pryniać miery pa zabrańni hetych dziaciej. U vyniku takaja voś trahiedyja, pa jakoj nam jašče pryjdziecca raźbiracca.
I hety vypadak, na žal, nie adzinkavy. U Stolinskim rajonie ŭ minułym hodzie babula zabiła ŭnuka-invalida. U Pružanskim rajonie na pažary niadaŭna zahinuli dvoje dziaciej — tam taksama siamja nie zusim ščaślivaja. My ciesna ŭzajemadziejničajem z adpaviednymi słužbami i viedamstvami, ale prablemnyja pytańni jość», — kanstatavaŭ načalnik UUS.
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary