Zabojstva byłoha supracoŭnika FSB Alaksandra Litvinienki było, jak miarkujecca, uchvalena prezidentam RF Uładzimiram Pucinym.
Pra heta havorycca ŭ dakładzie, pradstaŭlenym sudździoj Vysokaha suda Łondana Robiertam Oŭenam pa vynikach publičnaha daznańnia.
Pa słovach Oŭena, daznańnie dakazała, što Alaksiej Łuhavoj i Dźmitryj Koŭtun atrucili Litvinienku radyjeaktyŭnym pałonijem-210.
Vysokaja imaviernaść taho, što jany dziejničali pad kiraŭnictvam FSB, dadaŭ Oŭen. Ich dziejańni, «mahčyma, byli ŭchvalenyja» tahačasnym kiraŭnikom viedamstva Mikałajem Patrušavym.
Udava Litvinienka Maryna zajaviła: «Ja, viadoma ž, vielmi rada, što słovy, pramoŭlenyja maim mužam pierad śmierciu, kali jon abvinavaciŭ u svaim zabojstvie spadara Pucina, byli paćvierdžany ŭ anhlijskim sudzie z samymi vysokimi standartami niezaležnaści i spraviadlivaści».
Łuhavoj zajaviŭ Interfaksu, što praviedzienaje ŭ Brytanii rasśledavańnie — «žałasnaja sproba Łondana vykarystoŭvać «škilet u šafie» va ŭhodu svaim palityčnym ambicyjam».
«Abvinavačvańni ŭ moj adras absurdnyja. Jak my i čakali, siensacyi nie adbyłosia! Ahučanyja siońnia vyniki rasśledavańnia ŭ čarhovy raz paćviardžajuć antyrasijskuju pazicyju Łondana, zašoranaści i niežadańnie brytanca ustanavić sapraŭdnuju pryčynu hibieli Litvinienki», - skazaŭ jon.
Alaksandr Litvinienka pamior u Łondanie 23 listapada 2006 - jak ŭstanaviła ekśpiertyza, u vyniku atručvańnia radyjeaktyŭnym pałonijem-210.
Rasija admoviła ŭ 2007 hodzie ŭ ekstradycyi Andreja Łuhavoha. Sudździa Robiert Oŭen ŭznačaliŭ hramadskaje daznańnie ŭ studzieni 2015 hoda.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii
Kamientary