U Mahilovie apraŭdali hramadskich aktyvistaŭ: ich abvinavačvali ŭ niepavazie da suda
Sud Leninskaha rajona Mahilova 22 studzienia spyniŭ spravu ŭ dačynieńni da troch aktyvistaŭ, jakich abvinavačvali ŭ niepavazie da suda, z pryčyny adsutnaści składu pravaparušeńnia.
Nahadajem, u sudzie Leninskaha rajona 21 studzienia pačaŭsia praces pa spravie Dźmitryja Zdobnikava, Alaksandra Chamratova i Juryja Harbacienki, jakich sudździa Mahiloŭskaha rajona Stanisłaŭ Leŭčanka abvinavačvaŭ u niepavazie da suda. Pavodle słoŭ aktyvistaŭ, jany nie prajaŭlali nijakaj niepavahi, a tolki, zazirnuŭšy ŭ kabiniet, zapytalisia ŭ Leŭčanki, ci budzie ŭ jaho sudovaje pasiadžeńnie. Pryčym pytalisia ŭ toj momant, kali sudździa nie vioŭ sudovy praces, adnak jon heta rascaniŭ jak niepavahu da suda. Supracoŭniki milicyi skłali ŭ dačynieńni da aktyvistaŭ pratakoł ab administracyjnym parušeńni pa artykule 24.1 KoAP (niepavaha da suda). Noč z 20 na 21 studzienia aktyvisty praviali ŭ izalatary časovaha ŭtrymańnia.
«Spravu siońnia spynili z pryčyny adsutnaści składu pravaparušeńnia», — paviedamiŭ BiełaPAN Alaksandr Chamrataŭ. Jon raspavioŭ, što na sudzie byli apytanyja śviedki — dva sakratary, advakat Juryj Hančaroŭ, a taksama sam sudździa Leŭčanka.
«Sakratary skazali, što my ŭsio ŭ ramkach prystojnaści rabili, ničoha nie parušali. Advakat staŭ na bok sudździ, skazaŭ, što my prajaŭlali da jaho niepavahu, šumieli, bałahanili.
Zatym sam sudździa Leŭčanka na pieravažnuju bolšaść pytańniaŭ adkazvaŭ «nie pamiataju», «nie viedaju», «biez paniaćcia».
Na pytańnie, chto mienavita i što kazaŭ, adkazvaŭ «nie pamiataju», — raspavioŭ Chamrataŭ. Jon zadavoleny vyniesienym rašeńniem. Što tyčycca času, praviedzienaha ŭ IČU, to aktyvisty pakul nie vyrašyli, jak abskardzić ich zatrymańnie.
Na dumku mahiloŭskaha pravaabaroncy Barysa Buchiela, abvinavačvańni ŭ adras aktyvistaŭ byli źviazany z pomstaj sudździ Leŭčanki za toje, što jany «manitoryli jaho pracesy i pa ich skarhach sudździa Leŭčanka atrymlivaŭ spahnańni».
U 2015 hodzie sudździa Stanisłaŭ Leŭčanka atrymaŭ dyscyplinarnaje spahnańnie ŭ vyhladzie vymovy za raskryćcio intymnaj infarmacyi pra abvinavačanaha.
Ciapier čytajuć
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu7
Kamientary