Razburyła chaty j fermy, parvała elektrapravady, ssunuła pad adchon hruzavik…
U vyniku mocnaha vietru chutkaściu da 20 metraŭ u sekundu i navalnicy ŭ Viciebskaj vobłasci časova biez elektrazabieśpiačeńnia zastalisia 413 nasielenych punktaŭ.
Pavodle danych abłasnoha ŭpraŭleńnia MNS, u šaści rajonach było paškodžana 1,3 kiłamietra linij elektrapieradač, abiastočany 10 transfarmatarnych padstancyj. Častkova razburany 9 žyłych damoŭ i 37 budynkaŭ sielskahaspadarčaha pryznačeńnia, u tym liku 24 fiermy. Pavodle źviestak na ranicu 9 krasavika, adnaŭleńnie kala 30 sielskahaspadarčych budynkaŭ jašče praciahvałasia.
Nie abyšłosia bieź niečakanych DTZ. U Šarkoŭščynskim rajonie fura źjechała ŭ kiuviet, a ŭ Biešankovickim — dreva ŭpała na «Mersedes», kiroŭca jakoha byŭ špitalizavany.
Kamientary