Minčanin vypiŭ z susiedam try butelki harełki. Kali ałkahol skončyŭsia, mužčyny nakiravalisia ŭ kramu na vulicy Plachanava za dadatkam. Darečy, u hetym markiecie kaliści pracavała žonka abvinavačvanaha, pišuć Minsk-naviny.
Mužčyna padyšoŭ da kasira i pačaŭ biespryčynna jaje abražać, vykazvaŭ pretenzii nakont zvalnieńnia žonki, kazaŭ, što zaŭtra pryjdzie raźbiracca. Paśla jon kinuŭ u dziaŭčynu abutkovuju ŭstaŭku i nakiravaŭsia da vychadu, niekalki razoŭ udaryŭšy nahoj pa dźviery — nie mienš za piać razoŭ.
Zatym debašyr ubačyŭ druhoha pradaŭca, padyšoŭ da jaho i ŭdaryŭ kułakom pa hałavie, trymaŭ za adzieńnie, pakul inšyja pakupniki nie adciahnuli jaho ŭ bok. Potym skinuŭ z pryłaŭka terminał, manitor, kasavy aparat, dva vazony z kvietkami, adzin ź jakich razłamaŭsia.
Złamyśnika zatrymali, suprać jaho raspačali kryminalnuju spravu. Jamu pahražaje da troch hadoŭ. Što praŭda, vinu pryznaŭ, pakajaŭsia.
Kamientary