Na frescy ŭ kaściole ŭ Viciebsku zamalavali niekalki piersanažaŭ
Na ałtarnaj frescy ŭ kaściole śviatoha Antonija zamalavali troch čałaviek.
U hetym kanceptualna aformlenym chramie kožny vobraz maje svajo značeńnie, i ŭ levaj častcy freski byli namalavanyja dvoje śpiačych sałdat. Jany simvalizavali rymskich vartavych kala Truny Chrysta, jakija praspali jaho Uvaskrasieńnie, piša katolik.life.
Adnak sałdaty byli apranutyja ŭ bolš sučasnuju vajennuju vopratku. Hety elemient freski mieŭ taki sens: Śviatło pieramoža ciemru nie dziakujučy militarnaj sile, a nasupierak joj — kali sałdaty zasnuć.
Hetyja postaci taksama źnikli. Jak ciapier vyhladaje hałoŭnaja freska z zamalavanymi vobrazami, vidać na zdymku. Nižej — fota ŭ pieršapačatkovym vyhladzie.
Taksama zamalavali žančynu ŭ sukiency, jakaja źviartałasia da Chrysta.
Fresku adcenzuravali ŭ toj čas, kali ŭ ideałohii biełaruskaha dziaržavy ŭzmacniŭsia kult militaryzmu — paśla 2020 hoda. Nakolki viadoma viernikam, rasparadžeńnie zamalavać postaci biez uzhadnieńnia z aŭtaram freski pastupiła ad biskupa Viciebskaha Aleha Butkieviča.
Adnak nieviadoma, ci było heta zroblena pa jaho inicyjatyvie. Mastackaje rašeńnie interjeru kaścioła, aśviečanaha ŭ 2017 hodzie, raniej uzhadniałasia ź biskupam.
Kamientary
[Zredahavana]