Bialacki raskazaŭ, jak daviedaŭsia ŭ SIZA pra Nobieleŭskuju premiju
«Ja daviedaŭsia pra heta ŭ kalidory SIZA ad inšych źniavolenych, jakija stajali i kazali, što «byccam by tabie dali Nobieleŭskuju premiju».
Alaś Bialacki raskazaŭ u intervju DW Biełaruś, jak daviedaŭsia ŭ SIZA pra Nobieleŭskuju premiju.
«Ja daviedaŭsia pra heta ŭ kalidory SIZA ad inšych źniavolenych, jakija stajali i kazali, što «jak byccam by tabie dali Nobieleŭskuju premiju». Praź niekalki chvilin, kali ja sustreŭsia z advakatkaj, jana sapraŭdy paćvierdziła hetuju navinu. I heta było absalutna niečakana dla mianie. Chacia ja byŭ u hetym śpisie vyłučencaŭ na Nobieleŭskuju premiju, jakich kožny hod tam bolš za 200 asob zvyčajna. Nie adzin raz ja ŭ hetym śpisie byŭ, ale zaŭsiody byli vielmi małyja šancy, uličvajučy i kolkaść ludziej, i tyja prablemy, jakija jość, jakimi jany zajmajucca.
Heta sapraŭdy było amal niemahčyma — atrymać Nobieleŭskuju premiju. Ja staviŭsia zaŭsiody da hetaha vielmi spakojna, jak da čahości, čaho realna nikoli nie budzie.
I kali heta adbyłosia, ja byŭ prosta šakavany. Ja nie pavieryŭ spačatku. Hetaha nie moža być!»
Jon adznačyŭ, što premiju dali «za toj hieraizm, ja skazaŭ by, masavy hieraizm, jaki prajaŭlali biełarusy padčas masavych akcyj 2020 hoda, žadańnie svabody, spraviadlivaści, jakoje vykazali miljony biełarusaŭ». A toje, što jaje padzialili pradstaŭniki biełaruskaj, ukrainskaj i rasijskaj hramadzianskaj supolnaści, padkreślivaje kantekst vajny, u jakim my znachodzimsia.
Ci Nobieleŭski kamitet užo źviazaŭsia z Alesiem?
«Jany zrabili svaju zajavu, i my pavinny źviazacca ź imi sami najbližejšym časam. Ja vielmi ŭdziačny Nobieleŭskamu kamitetu, za hetuju premiju, za toje, što jany nie zabyvalisia ni pra mianie, ni pra maju siamju ŭsie hetyja try hady, pakul ja znachodziŭsia ŭ źniavoleńni».
Kamientary