Supracoŭnikam UUS Centralnaha rajonu Miensku daručana pravieści pravierku pa fakcie razbureńnia pomniku architektury XIX stahodździa pa vulicy Revalucyjnaja, 17.
Supracoŭnikam UUS Centralnaha rajonu Miensku daručana pravieści pravierku pa fakcie razbureńnia pomniku architektury XIX stahodździa pa vulicy Revalucyjnaja, 17
Supracoŭnikam UUS Centralnaha rajonu Miensku daručana pravieryć fakty, źviazanyja z razbureńniem u stalicy pomniku architektury — žyłoha budynku XIX stahodździa ŭ styli klasycyzmu z elementami eklektyki pa vulicy Revalucyjnaj. Pra heta havorycca ŭ liście prakuratury Centralnaha rajonu stalicy da staršyni hramadzkaha abjadnańnia «Biełaruskaje dobraachvotnaje tavarystva achovy pomnikaŭ historyi i kultury» Antonu Astapoviču.
14 sakavika byŭ źniščany ŭnikalny dvuchpaviarchovy žyły budynak z dekaravanym fasadam pa vulicy Revalucyjnaja, 17, uniesieny ŭ Dziaržaŭny śpis historyka‑kulturnych kaštoŭnaściaŭ Respubliki Biełaruś. Hety budynak restaŭravaŭsia, i praces jaho adnaŭleńnia znachodziŭsia ŭ apošniaj stadyi. Adnak na praciahu niekalkich dzion TAA «TaPas» budaŭničaha ŭpraŭleńnia № 2 AAT «Budtrest № 7» poŭnaściu razburyła hety pomnik ajčynnaha dojlidztva, na miescy jakoha zaplanavana zbudavańnie kompleksu administracyjnych budynkaŭ.
U suviazi sa źniščeńniem budynku A.Astapovič nakiravaŭ u Hieneralnuju prakuraturu chadajnictva ab raspačynańni kryminalnaj spravy, prainfarmavaŭ Kamitet dziaržaŭnaha kantrolu, a taksama źviarnuŭsia da kiraŭnika dziaržavy Alaksandra Łukašenki. Nieŭzabavie ŭ ofis abjadnańnia pastupiła paviedamleńnie Hieneralnaj prakuratury, jakaja daručyła prakuratury Miensku pravieryć abstaviny znosu budynku. Praź niekalki dzion staličnaja prakuratura nakiravała hetaje daručeńnie ŭ prakuraturu Centralnaha rajonu Miensku.
U interviju BiełaPAN A.Astapovič vykazaŭ škadavańnie ŭ suviazi z tym, što razhlad pytańnia ab źniščeńni pomniku daručajecca pa łancužku nižejšym instancyjam.
Kamientary