Biełarus prapanavaŭ dyzajn pieršaha ajčynnaha smartfona «Haryzont» biez ramak i z mahutnym načyńniem

Biełarus Raman Dubinka zaniepakojeny tym, što ŭ Biełarusi da hetaha času nie vypuščana nivodnaha ajčynnaha smartfona. Jon prapanavaŭ svoj dyzajn hadžeta, jaki, na jaho pohlad, pavinien vyrablacca na chołdynhu «Haryzont».

Pavialičyć

U apisańni prajekta smartfona na behance.net (mižnarodnaja supolnaść, dzie dyzajniery, ilustratary i fatohrafy demanstrujuć svaje pracy, dzielacca vopytam i kamentujuć raboty kaleh) jon napisaŭ nastupnaje:

U śviecie štochvilinna vypuskajucca tysiačy smartfonaŭ, adnak Biełaruś pakul nie moža pachvalicca ŭłasnaj vytvorčaściu sučasnych mabilnych pryład, i ja padumaŭ: «Jak by vyhladaŭ pieršy biełaruski smartfon? I chto b moh jaho vypuścić?»

Vyhladaŭ by jon, viadoma, nie horš za fłahmany, jakija ŭžo zavajavali dastojnaje miesca na rynku, a vypuskaŭ by jaho, napeŭna, chołdynh «Haryzont».

Pavodle zadumak Ramana, hadžet pavinien być davoli tonkim (7,2 mm) i pry hetym ptrymać praktyčna fłahmanskija charaktarystyki: 5,5-calevy dysplej z Full HD pašyreńniem, 4 HB apieratyŭnaj i 64 HB pastajannaj pamiaci, dźvie kamiery - 8 i 16 Mp, a taksama akumulatar na 4000 mAh. Pra pracesar aŭtar vyrašyŭ nie zhadvać. Pracuje smartfon na Android, a ŭ jakaści pošuku vystupaje Tut.by.

Ale samaje dziŭnaje i sprečnaje - «biezramkavy» dyzajn pryłady. Śviet užo viedaje smartfony z praktyčna poŭnaj adsutnaściu ramak z troch bakoŭ - naprykład, Sharp Aquos Crystal Y (na fota nižej). Adnak u jaho vypadku ŭ nižniaj častcy zastajecca šyrokaja ramka, kab ruka vypadkova nie čaplała ekran. Ci budzie zručnaj kanstrukcyja, prapanavanaja Dubinkam, - sprečnaje pytańnie.

Pavialičyć

Z tylnaha boku hadžet čymści nahadvaje Meizu M2, vypuščany ŭ minułym hodzie:

Pavialičyć

Ale samy vialiki sumnieŭ vyklikaje mahčymaść vypusku hetaha smartfona chołdynham «Haryzont». Raniej biełaruskaje pradpryjemstva ŭžo sprabavali vyjści na rynak z płanšetami pad svaim brendam, ale dalej anonsu sprava nie pajšła.

Adkul uźnikła ideja i čamu «Haryzont»?

42.Tut.by raspytaŭ aŭtara kanceptu, jak źjaviłasia ideja stvareńnia dyzajnu pieršaha biełaruskaha smartfona i čamu ŭ jakaści patencyjnaha vytvorcy jon abraŭ mienavita «Haryzont»:

- Ideja ŭźnikła jašče va ŭniviersitecie. U nas było tvorčaje zadańnie: treba było prydumać svaju kampaniju i tavar hetaj kampanii, a zatym zrabić prezientacyju. My ź siabram Łuhačovym Alaksiejem vybrali vytvorčaść telefonaŭ. Svaju ŭmoŭnuju kampaniju nazvali Neon i raspracavali sensarny telefon (na toj momant heta jašče byli fantazii na miažy z fantastykaj) z vysoŭnaj kłavijaturaj i kamieraj na 8 Mp.

Naša praca tady atrymała najvyšejšy bał. Na dniach ja ŭspaminaŭ hety momant žyćcia i padumaŭ, što zaraz, z ulikam vopytu, ja b moh zrabić heta zadańnie značna lepš i cikaviej na asnovie kankretnaj kampanii. U Biełarusi robiać vydatnyja tavary, ale praktyčna kožnamu ź ich nie chapaje takoha ž dyzajnu, bo na pryniaćcie rašeńnia ab kupli ŭpłyvaje nie tolki cana.

Chołdynh «Haryzont» ja abraŭ tamu, što mienavita jon, jak nichto, bližej da temy smartfonaŭ. Ja bolš zajmajusia hrafičnym dyzajnam, pakavańniem, palihrafijaj, a 3D-hrafika vystupaje dapamožnym instrumientam, da jakoha ja źviartajusia dosyć redka, tamu mahu dastatkova krytyčna aceńvać dadzienuju madel — ja vykarystaŭ standartny vizualizatar, tekstury i aśviatleńnie.

Z ulikam raźvićcia sučasnych technałohij smartfon atrymaŭsia całkam realnym: charaktarystyki ja napisaŭ usiarednienyja, zychodziačy z topavych smartfonaŭ, kab było mienš pytańniaŭ. Całkam zvyčajnaja kamiera, razdymy, knopki, datčyki. Być moža, tolki z dysplejem paŭstanie pytańnie adsutnaści ŭnizie paneli ci knopki, ale kruhłyja dysplei siońnia ŭžo vypuskajucca ŭ hadzińnikach, tamu skruhlić ekran u smartfona nie pavinna skłaści vialikaj pracy. Chacieŭ spačatku zrabić dysplej całkam u pamier smartfona, ale zrazumieŭ, što frantalnaja kamiera i datčyki prosta ŭ dysplei buduć hladziecca mienš realistyčna, pa mienšaj miery siońnia.

Pavialičyć

• 0
• 0
• 0
• 0
• 0
• 0
• 0
• 0