Ministr ŽKH: Nasielnictva pakryvaje amal 100% koštu pasłuh, akramia aciapleńnia
Apłata ŭsich kamunalnych pasłuh, akramia aciapleńnia, nabližana da 100%-ha ŭzroŭniu kampiensacyi zatrat, paviedamiŭ ministr žyllova-kamunalnaj haspadarki Alaksandr Cierachaŭ ŭ efiry ANT.
«Usie pasłuhi, akramia aciapleńnia, užo nabližany da 100% -ha ŭzroŭniu kampiensacyi vydatkaŭ. Kali brać pa vodazabieśpiačeńni, heta ŭžo amal 70%. Kali brać pa techničnym absłuhoŭvańni, to heta ŭžo amal 85%. Heta značyć zastałasia adna pasłuha, jakaja nam dastaŭlaje surjoznuju davažku — heta ciepłazabieśpiačeńnie … Ciepłazabieśpiačeńnie nasielnictva pakryvaje 15% ad realnaha koštu pasłuhi», — zajaviŭ kiraŭnik ministerstva ŽKH Alaksandr Cierachaŭ.
Raniej paviedamlałasia, što ŭ 2015 hodzie ŭzrovień kampiensacyi zatrat nasielnictvam pasłuh ŽKH skłaŭ bolš za 30%.
Taksama adznačałasia, što taryfy na pasłuhi buduć pavyšacca ŭ try etapy.
«Pakryćcio taryfaŭ na ŽKP nasielnictvam płanujecca ažyćciavić u try etapy: kaniec 2016 hoda — vychad na 50% kampiensacyi vydatkaŭ, kaniec 2017 hoda — na 75%, da kanca 2018 hoda — na 100%», — raspavioŭ 10 lutaha ministr ekanomiki Uładzimir Zinoŭski.
Nahadajem, u studzieni «kamunałka» vyrasła na 40—70%. Rost taryfaŭ źviazany jak i ź ciažkim ekanamičnym stanoviščam u krainie, tak i z tym, što pavyšeńnie apłaty za pasłuhi ŽKH źjaŭlajecca adnym z patrabavańniaŭ MVF, u jakoha Minsk raźličvaje atrymać trochmiljardny kredyt.
Słovy ministra pra toje, što nasielnictva amal całkam apłačvali kamunałku, niečakanyja. Raniej pradstaŭniki ŭłady nie raz śćviardžali, što biełarusy apłačvajuć tolki 30% koštu kamunalnych pasłuh.
Pravieryć spraviadlivaść sabiekoštu pasłuh składana.
Uvohule, havorka pra košt pasłuh pajšła, bo MVF stavić spynieńnie pierakryžavanaha subsidavańnia ŭmovaj novaj kredytnaj prahramy. Ułady bajacca rostu niezadavolenaści nasielnictva, tamu šukajuć sposabaŭ vykanańnia ŭmoŭ MVF tak, kab byli i vaŭki sytyja, i aviečki cełyja.
Ciapier čytajuć
Aryštavany 75‑hadovy Źmicier Sańko — vieteran-vydaviec3
Kamientary