Nacyjanalny bank Polščy z 12 lutaha ŭvioŭ u abarot banknoty naminałam 200 złotych z ŭdaskanalenymi elemientami abarony. Raniej NBP ŭvioŭ novyja elemienty abarony na banknotach mienšaha naminału.
Hrafičny dyzajn banknoty naminałam 200 złotych nie źmianiŭsia, ale dziakujučy ŭžyvańniu novych, bolš technałahična prasunutych elemientaŭ abarony roźnica pamiž novaj i staroj banknotami vidavočnaja. Tak, novym elemientam źjaŭlajecca achoŭnaja nitka z aptyčnym kinietyčnym efiektam. Frahmienty nitki płaŭna źmianiajuć koler z załatoha na zialony, a raźmieščany na joj šachmatny malunak ruchajecca ŭ dvuch płoskaściach, paviedamlaje pres-słužba Pasolstva Polščy ŭ Minsku.
Na piarednim baku banknoty raźmieščany taksama dekaratyŭny hrafičny elemient, jaki płaŭna źmianiaje koler z załatoha na zialony (t. zv. Karaleŭski simvał), a na zadniaj — załaty pieraliŭny arnamient. Novym elemientam źjaŭlajecca vadziany znak: pry razhladzie na praśviet akramia vyjavy karala vidać taksama abaznačeńnie naminału. Źmienienyja taksama elemienty, nadrukavanyja z abodvuch bakoŭ banknoty: vyjava karony ŭ avale składvajecca tolki pry razhladzie kupiury na praśviet.
Levy bok banknoty, dzie znachodzicca vadziany znak, svabodny, dziakujučy čamu kupiura zdajecca bolš śvietłaj, a vadziany znak lepš bačny.
Źjavilisia taksama dadatkovyja paznaki dla ślapych i sa słabym zrokam. Heta, pierš za ŭsio, 10 reljefnych rysak, raźmieščanych uzdoŭž karotkaha kraju banknoty. Takaja ž technałohija vykarystoŭvajecca ŭ novaj sieryi banknot jeŭra. Jašče adzin śpiecyjalny elemient — hieamietryčnaja fihura ŭ levym nižnim kucie (na banknocie naminałam 200 złotych heta trochkutnik), jakaja składajecca z drobnych vypukłych elemientaŭ, dobra ŭsprymajecca navobmacak.
Novyja banknoty ŭvodziacca zamiest paškodžanych abo starych. Staryja kupiury zastanucca sapraŭdnymi na nieabmiežavany termin.
-
Tehieran paćvierdziŭ hibiel Ali Łarydžani. Ź jaho źniščeńniem ułada ŭ Iranie moža pierajści ad fanatykaŭ da prahmatykaŭ
-
«Finski palityk», jakoha štodnia cytujuć kramloŭskija i łukašysckija ŚMI, akazaŭsia santechnikam biez hramadzianstva Finlandyi
-
KVIR paćvierdziŭ hibiel kiraŭnika vajenizavanaha apałčeńnia «Basidž»
Kamientary