Vałensa raskryŭ proźvišča supracoŭnika śpiecsłužbaŭ, jaki «padstaviŭ jaho»
Były prezident Polščy Lech Vałensa raskryŭ proźvišča čałavieka, jakoha ličyć vinavatym u svaich prablemach, źviazanych z zajavami pra jaho supracoŭnictva sa słužbami biaśpieki časoŭ PNR (pieršaja pałova 1970-ch).
Vałensa śćviardžaje, što «pry dvuch śviedkach padpisaŭ dva takija dakumienty, dziakujučy jakim supracoŭniki śpiecsłužbaŭ mahli brać hrošy dla siabie».
«Jany brali hrošy dla siabie, nie dla mianie i, o cud, heta rabili pa čarzie roznyja ludzi i dosyć doŭha. Ja daŭno pierastaŭ ź im padtrymlivać kantakt», — napisaŭ Vałensa.
«Kapitan Hračyk (proźvišča adnaho z supracoŭnikaŭ słužbaŭ biaśpieki, jakija viali spravu «Boleka»), heta vy mianie tak padstavili, a ja źlitavaŭsia nad vami. Zastajecca tolki adno pytańnie — vy rabili heta sami ci z kimści», — dadaŭ jon.
Eks-prezident Polščy čarhovy raz padkreśliŭ, što padpisaŭ dakumienty, adnak, nie danosiŭ i nie braŭ hrošaj u śpiecsłužbaŭ.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal6
Kamientary