Amierykanski vytvorca šakaładnych batončykaŭ, kampanija Mars Inc. vyrašyła adklikać svaju pradukcyju ŭ 55 krainach praz vyjaŭleny ŭ joj płastyk.
Jak paviedamili ŭ kampanii, kavałak čyrvonaha płastyka byŭ znojdzieny ŭ batončyku Snickers, nabytym 8 studzienia ŭ Hiermanii.
Spažyviec źviarnuŭsia ŭ Mars, paśla čaho śpiecyjalisty kampanii adsačyli šlach brakavanaha batončyka i pryjšli da vysnovy, što jon byŭ vyrableny na zavodzie ŭ hałandskim horadzie Fiechieł.
Pavodle papiarednich dadzienych, u šakaład trapiła adna z płastykavych detalaŭ, jakija vykarystoŭvajucca ŭ vytvorčaści.
Zajava ab adklikanni pradukcyi apublikavanaja na sajcie departamienta pa biaśpiecy charčovych praduktaŭ i spažyvieckich tavaraŭ urada Niderłandaŭ.
«U ciapierašni čas my sprabujem zrazumieć, što mienavita adbyłosia, ale my nie možam być upeŭnienyja, što hety kavałak čyrvonaha płastyka nie prysutničaje ŭ inšym pradukcie z toj ža vytvorčaj linii», — zajaviŭ pradstaŭnik hałandskaha padraździaleńnia kampanii ahienctvu Frans pres.
Hałandskaje adździaleńnie kampanii Mars paviedamiła, što ciesna supracoŭničaje ŭ vyrašeńni hetaj prablemy z uładami krainy.
«My chacieli b, kab pakupniki, jakija nabyli adzin z takich praduktaŭ, nie ŭžyvali jaho ŭ ježu», — paviedamiła kampanija na svaim sajcie ŭ Hiermanii.
Kampanija nie paviedamlaje, jaki ahulny abjom adklikanaj pradukcyi i jakimi stratami heta joj pavierniecca.
Raniej paviedamlałasia, što adklikanyja buduć usie pradukty Mars, Snickers, Milky Way Minis i Milky Way Miniatures, a taksama nabory cukierak Celebrations z terminam prydatnaści z červienia 2016 hoda pa studzień 2017 hoda.
Pradukcyja zavoda Mars ŭ Niderłandach pastaŭlajecca pa ŭsim śviecie. Heta pieršy padobny vypadak na pradpryjemstvie, jakoje pracuje z 1963 hoda.
U śniežni 2015 hoda Mars užo adklikaŭ partyi cukierak, jakija pradavalisia na Kalady ŭ adnoj z amierykanskich handlovych sietak.
Tady šakaład pryjšłosia adklikać z-za najaŭnaści ŭ im arachisa, čaho nie praduhledžvaje receptura i što nie paznačana na ŭpakoŭcy.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju3
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary