Pry pavyšeńni piensijnaha ŭzrostu siłavikoŭ budzie ŭličvacca asablivaść vajskovaj słužby — Zaś
Pry pavyšeńni piensijnaha ŭzrostu siłavikoŭ budzie ŭličvacca asablivaść vajennaj słužby. Ab hetym zajaviŭ siońnia žurnalistam dziaržaŭny sakratar Rady biaśpieki Stanisłaŭ Zaś pa vynikach narady ŭ prezidenta Biełarusi pa pytańniach raźvićcia piensijnaj sistemy.
Stanisłaŭ Zaś raskazaŭ, što na naradzie razhladałasia niekalki prapanoŭ pa pavyšeńni piensijnaha ŭzrostu, jakija datyčacca ŭsich hramadzian krainy, u tym liku vajennasłužačych.
«Pry lubym rašeńni budzie ŭličvacca asablivaść vajennaj słužby, asabliva tych pasad, śpiecyjalnaściej, dzie vykonvajucca zadačy, źviazanyja z ryzykaj dla zdaroŭja abo dla žyćcia. Majucca na ŭvazie śpiecpadraździaleńni, ratavalniki i inšyja śpiecyjalnaści. Charaktar ich dziejnaści budzie ŭličvacca pry pryniaćci rašeńnia», - adznačyŭ dziaržsakratar Rady biaśpieki.
«Pastarajemsia nie pakryŭdzić tych ludziej, jakija ŭžo zarabili piensii i ciapier znachodziacca ŭ čakańni hetaha ŭzrostu», - dadaŭ jon.
Stanisłaŭ Zaś padkreśliŭ, što pakul dačasna havaryć ab kančatkovym varyjancie pavyšeńnia piensijnaha ŭzrostu ŭ pradstaŭnikoŭ siłavych struktur, heta pytańnie budzie detalova prapracoŭvacca.
«Prezident čakaje razumieńnia hetych rašeńniaŭ z boku hramadstva, u tym liku z boku ludziej u pahonach. Tak nie byvaje, kali kraina robić taki surjozny krok, jak pavyšeńnie piensijnaha ŭzrostu dla ŭsich hramadzian, kab vajennyja zastalisia ŭbaku. Heta zakranie ŭsich, zrazumieła», - skazaŭ dziaržsakratar Rady biaśpieki.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary