U t.zv. «Danieckaj narodnaj respublicy» ŭručyli pieršyja pašparty «DNR». U liku pieršych atrymalnikaŭ byŭ kiraŭnik respubliki Alaksandr Zacharčanka. U kiraŭnictvie «DNR» hetuju infarmacyju paćvierdzili.
Pakul nie jasna, ci zmohuć uładalniki takich dakumientaŭ vykarystoŭvać ich dla vyjezdu za miežy «DNR». Maskva pakul nie paćvierdziła infarmacyju ab pravamocnaści pierasiačeńnia miažy z Rasijaj pa takim pašparcie.
Na sajcie Danieckaha ahienctva navinaŭ havorycca, što novyja dakumienty atrymali 20 padletkaŭ, jakim spoŭniłasia 16 hadoŭ.
U susiedniaj t.zv. «ŁNR» ułasnyja pašparty vydajucca z maja 2015 hoda.
Adnoj z pryčyn vydačy ŭłasnych dakumientaŭ ułady samaabvieščanych «respublik» nazyvajuć «zamienu Ukrainaj pašpartoŭ na bijamietryčnyja», što nibyta pazbavić žycharoŭ rehijonu jakich-niebudź dakumientaŭ.
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?30
Kamientary