Biaźvizavy režym z Kitajem dla turhrup pačnie dziejničać u krasaviku-mai
Biaźvizavy režym z Kitajem dla arhanizavanych turystyčnych hrup pačnie dziejničać u krasaviku-mai, paviedamiŭ siońnia dyrektar departamienta pa turyźmie Ministerstva sportu i turyzmu Biełarusi Vadzim Karmazin na kalehii departamienta.
«Z Kitajem padpisany pratakoł da mižuradavaha pahadnieńnia ab uzajemnych biaźvizavych hrupavych turystyčnych pajezdkach. Płanujecca, što biaźvizavy režym dla turhrup pačnie dziejničać u krasaviku-mai hetaha hoda», — adznačyŭ Vadzim Karmazin. Kitajskim bokam dakumient užo ratyfikavany, Biełaruś płanuje zaviaršyć adpaviednyja pracedury ŭ bližejšy čas.
Pry hetym biaźvizavy režym budzie dziejničać mienavita dla hrupavych turystyčnych pajezdak.
Pavodle słoŭ Vadzima Karmazina, dla kaardynacyi dziejańniaŭ Biełaruś i Kitaj płanujuć stvaryć sumiesnuju turystyčnuju kampaniju. Biełaruś taksama prezientuje svoj patencyjał na vystaŭkach u Padniabiesnaj i zaprosić pradstaŭnikoŭ kitajskaha turbiźniesu ŭ aznajamlenčyja tury.
Jak raniej paviedamlaŭ Vadzim Karmazin, dla kitajcaŭ u Biełarusi rychtujucca śpiecyjalnyja turystyčnyja maršruty i daviedniki. Pry arhanizacyi adpačynku budzie ŭličvacca śpiecyfika kitajskaha turrynku. Naprykład, kitajcy vykazvajuć intares da ŭsiaho, što źviazana z kamunistyčnaj epochaj, papularny ekałahičny i azdaraŭlenčy turyzm.
Akramia taho, sa žniŭnia 2015 hoda dziejničaje ŭkaz, jaki ŭstanaŭlivaje dla hramadzian KNR biaźvizavy paradak ujezdu i vyjezdu, a taksama tranzitnaha prajezdu praz terytoryju Biełarusi i časovaha znachodžańnia ŭ krainie na termin da troch sutak. Taki paradak praduhledžany dla hramadzian KNR, jakija prybyvajuć pramymi avijarejsami z Kitaja, pry najaŭnaści ŭ pašparcie dziejučaj vizy dziaržaŭ — siabroŭ Jeŭrapiejskaha sajuza abo dziaržaŭ — udzielnic Šenhienskaj zony.
Ciapier čytajuć
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu4
Kamientary