Biełčyhunka karektuje raskład ciahnikoŭ u suviazi ź pierachodam krain ES, a taksama Ukrainy na letni čas
U suviazi ź pierachodam krain Jeŭrasajuza i Ukrainy na letni čas u noč z 26 na 27 sakavika Biełaruskaja čyhunka praviała karekciroŭku raskładu mižnarodnych ciahnikoŭ. Źmieny uzhodnieny z čyhunačnymi administracyjami Łatvii, Litvy, Polščy, Rasii i Ukrainy.
Naprykład, ciahnik №805 Minsk — Vilnia, jaki adpraŭlaŭsia ź Minska ŭ 8.00 i prybyvaŭ u kančatkovy punkt prytrymlivańnia ŭ 9.30, z 27 sakavika budzie prybyvać u Vilniu ŭ 10.30 (čas adpraŭleńnia ź Minska zastaniecca bieź źmien). Ciahnik №806 Vilnia — Minsk adpraŭlaŭsia ź Vilni ŭ 18.12 i prybyvaŭ u stalicu Biełarusi ŭ 21.42, z 27 sakavika budzie adpraŭlacca ź Vilni ŭ 19.12. Čas prybyćcia ŭ Minsk nie źmienicca.
Karekciroŭki zakranuli i mižnarodnych ciahnikoŭ u znosinach z Ukrainaj i Polščaj.
Tak, ciahnik №86 Minsk — Kijeŭ, jaki adpraŭlaŭsia sa stalicy Biełarusi ŭ 22.10 i prybyvaŭ u Kijeŭ u 7.51, z 27 sakavika budzie adpraŭlacca ź Minska ŭ 22.42 i prybyvać u Kijeŭ u 8.52. U advarotnym kirunku ciahnik №85 Kijeŭ — Minsk, paśla pierachodu na letni čas, budzie adpraŭlacca z Kijeva ŭ 22.28 (da 27 sakavika adpraŭlaŭsia ŭ 21.19) i prybyvać u stalicu Biełarusi ŭ 8.38 (da 27 sakavika prybyvaŭ u 9.17).
Ciahnik № 9 Maskva — Varšava, u składzie jakoha kursujuć pryčapnyja vahony Minsk — Varšava, z 27 sakavika budzie adpraŭlacca ź Minska ŭ 23.56 i prybyvać u Varšavu ŭ 9.09 (da 27 sakavika ciahnik adpraŭlaŭsia ź Minska ŭ 1.16 i prybyvaŭ u Varšavu ŭ 9.09).
Pry prajeździe z Varšavy z 27 sakavika ciahnik №10 Varšava — Maskva budzie adpraŭlacca z Varšavy ŭ 18.40 i prybyvać u Minsk u 6.33 (da 27 sakavika ciahnik adpraŭlaŭsia z Varšavy ŭ 18.27 i prybyvaŭ u Minsk u 7.24).
U suviazi sa źmienami ŭ hrafiku ruchu mižnarodnych ciahnikoŭ skarektavana i raskład ciahnikoŭ rehijanalnych i mižrehijanalnych linij, jakija kursujuć pa terytoryi Biełarusi.
Bolš padrabiaznuju infarmacyju pra čas adpraŭleńnia ciahnikoŭ možna atrymać na sajcie www.rw.by, a taksama ŭ čyhunačnych kasach i pa telefonach daviedačnych słužbaŭ.
Ciapier čytajuć
Čamu ŭłady maŭčać pra pryčyny razbureńnia doma ŭ Homieli i jakija jość viersii1
Kamientary