Hramadzianin Jemiena, doktar adnoj ź miedycynskich ustanoŭ Homiela, prysudžany da hoda pazbaŭleńnia voli za raspusnyja dziejańni ŭ adnosinach da dźviuch školnic. Pra heta paviedamiła staršy pamočnik prakurora Homiela Alena Kanavalenka.
Dadzienaje rašeńnie pryniaŭ sud Čyhunačnaha rajona horada pa č.1 st.169 KK. Pavodle materyjałaŭ śledstva, 50-hadovy mužčyna z bałkona kvatery ŭ Homieli paklikaŭ da siabie dvuch dziaŭčynak — 2002 i 2005 hadoŭ naradžeńnia. Paśla hetaha źniaŭ štany i ździejśniŭ raspusnyja dziejańni. Inšaziemiec prapanavaŭ dziaŭčynkam uznaharodžańnie za prahlad takoha «kino».
Padsudny svaju vinu poŭnaściu admaŭlaje, nazyvajučy pakazańni dziaciej ahavoram. U toj ža čas adna školnica pryznałasia, što i raniej inšaziemiec čaplaŭsia da jaje ź nieprystojnaściami. Praŭda, jana bajałasia raskazać pra heta baćkam.
Prysud pakul nie nabyŭ zakonnuju siłu, abvinavačany jaho abskardziŭ.
Kamientary