U Biełarusi dva słužbovyja sabaki buduć praviarać na narkotyki paštovyja adpraŭleńni z-za miažy
Dva słužbovyja sabaki — irłandski sieter i epańjoł bretan — buduć praviarać paštovyja adpraŭleńni, jakija prychodziać u Biełaruś z-za miažy. Takaja infarmacyja prahučała 2 krasavika ŭ prahramie «Našy naviny» telekanała ONT.
«Pracavać» sabaki buduć u hałoŭnym punkcie mytnaha afarmleńnia.
Jak adznačyła ONT, praź Minskuju poštu za hod prachodzić bolš za 11 młn. mžnarodnych afarmleńniaŭ. Sabaki čujuć narkotyki, dzie b ich ni schavali — u kanviertach, pasyłkach i navat u ježy. I takija znachodki byvajuć litaralna kožny tydzień. Tolki z pačatku hoda sabaki vyjavili 2,5 kh narkotykaŭ.
Pavodle słoŭ namieśnika načalnika Minskaj rehijanalnaj mytni Michaiła Plisko, «spracoŭki byli nieadnarazovyja — pachi, jakija majuć narkotyki, majuć i inšyja pradmiety». «Hetyja pasyłki nadhladalisia, ŭskryvalisia, znachodzili «marki», — skazaŭ pradstaŭnik mytni.
U Biełarusi kinołahaŭ rychtujuć voś užo 20 hadoŭ. Za hety čas Kinałahičny centr orhanaŭ pamiežnaj słužby navučyŭ bolš za 4 tys. śpiecyjalistaŭ i stolki ž słužbovych sabak.
Kamientary