Parašenka: Jurysty daduć vyčarpalnyja tłumačeńni dla presy adnosna «afšornaha skandału»
Prezident Ukrainy Piatro Parašenka čakaje, što jurysty pradstaviać vyčarpalnyja tłumačeńni dla presy adnosna «afšornaha skandału».
Pra heta jon zajaviŭ u paniadziełak na svajoj aficyjnaj staroncy ŭ Facebook.
Jon zajaviŭ, što źjaŭlajecca pieršaj asobaj, jakaja «surjozna stavicca da dekłaravańnia svaich dachodaŭ, vypłaty padatkaŭ i pytańnia kanfliktu intaresaŭ, jakija vyrašaju ŭ ramkach ŭkrainskaha zakanadaŭstva i mižnarodnaha pryvatnaha prava».
«Staŭšy prezidentam, ja adyšoŭ ad kiravańnia aktyvami, daručyŭšy hetuju spravu adpaviednym kansałtynhavym i jurydyčnym kampanijam. Čakaju, što jany daduć vyčarpalnyja tłumačeńni dla ŭkrainskaj i mižnarodnaj presy», — napisaŭ jon.
Jak viadoma, u niadzielu 3 krasavika suśvietnyja ŚMI adnačasova apublikavali vialikaje rasśledavańnie, jakoje raskryvaje dačynieńnie mnohich suśvietnych lidaraŭ i viadomych ludziej roznych prafiesij ŭtojvańnia vielizarnych sum hrošaj u afšornych kampanijach.
Siarod ich, akramia inšych, akazalisia prezident Ukrainy Piatro Parašenka i Rasii — Uładzimir Pucin. Dziejańni Parašenki mohuć supiarečyć zakonu, pakolki jon adkryŭ novuju kampaniju, znachodziačysia ŭ kreśle prezidenta, i nie paznačyŭ hety aktyŭ u finansavaj dekłaracyi.
Pretenzii da Parašenki zaklučajucca va ŭtojvańni faktu stvareńnia kampanij u afšorach.
NABU ŭžo zajaviła, što ŭ adpaviednaści z zakanadaŭstvam dziejučy prezident nie źjaŭlajecca padślednaj NABU asobaj.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary