Vice-premjer Kačanava: Bolšaść z razumieńniem stavicca da pavyšeńnia piensijnaha ŭzrostu
Bolšaść biełarusaŭ z razumieńniem stavicca da pavyšeńnia piensijnaha ŭzrostu, miarkuje vice-premjer Natalla Kačanava. Pavodle jaje słoŭ, ukaz, pavodle jakoha žančyny buduć vychodzić na piensiju ŭ 58 hadoŭ, a mužčyny ŭ 63, užo hatovy i ŭ bližejšy čas budzie pryniaty.
Nie tolki ŭrad zajmaŭsia vyvučeńniem mierkavańnia našych hramadzian, ale i administracyja prezidenta, pracavali ministerstva z hetymi pytańniami, pravodzilisia i sustrečy ź ludźmi, vyjazdžali ŭ kalektyvy, vysłuchoŭvali dumki, — raspaviała Natalla Kačanava ab tym, jak išła padrychtoŭka da pryniaćcia zakona. — Usie pravodziłasia dla taho, kab možna było pryniać pravilnaje rašeńnie. Vy (žurnalisty) skazali, što šmat niezadavolenych. Ja b tak nie skazała. Pytańnie naśpieła, jano vidavočnaje. Ja dumaju, što bolšaść našych hramadzian z razumieńniem stavicca da pryniaćcia hetaha rašeńnia.
Nahadajem, urad razhladaŭ try varyjanty pavyšeńnia piensijnaha ŭzrostu. Byŭ abrany samy miakki, pa jakim žančyny buduć sychodzić na piensiju ŭ 58 hadoŭ, mužčyny — u 63 hady.
Na dumku, vice-premjera, nielha kazać pra toje, što pavyšeńnie piensijnaha ŭzrostu za ŭsio na try hady nie vyrašaje prablemu ŭ krainie.
— Čamu nie vyrašaje? Vyrašaje. Heta pavieličeńnie ludziej, jakija znachodziacca ŭ pracazdolnym uzroście, mienš stanovicca tych, chto vychodzić na piensiju.
Pakul va ŭradzie nie razhladajecca pytańnie ab tym, što ŭ bližejšyja hady varta viarnucca da dalejšaha pavyšeńnia piensijnaha ŭzrostu.
— Hetaje pytańnie budzie vyrašacca tady, kali buduć składvacca peŭnyja pieradumovy ekanamičnyja i demahrafičnyja — voś asnoŭnyja kryteryi, pa jakich budzie iści nastupny razhlad hetaha pytańnia.
Žurnalisty taksama pacikavilisia ŭ Natalli Kačanavaj, ci budzie pierahladacca dekretny adpačynak u krainie.
- Pa hetym pytańni my nie razhladali nijakich źmienaŭ, — zapeŭniła vice-premjer.
Kamientary