Vybuch prahrymieŭ u 17 hadzin 55 chvilinaŭ 50 siekundaŭ na stancyi mietro «Kastryčnickaja». Zahinuli i pamierli ad ran 15 čałaviek. Kala 200 atrymali traŭmy.
Fota Julii Daraškievič, 11 krasavika 2011 h.
Vybuch adbyŭsia na stancyi mietro «Kastryčnickaja» kala druhoha vahona ŭ ciahniku, jaki musiŭ ruchacca na stancyju «Instytut Kultury». Imavierna vybuchovaje prystasavańnie było zakładziena pad łaŭku. Mahutnaść vybuchovaha prystasavańnia skłała ad 5 da 7 kh u tratyłavym ekvivalencie i było načynienaja mietaličnymi elemientami, kab pavialičyć paražalnaje ŭździejańnie i vyklikać šmatlikija askiepkavyja ranieńni.
Fota Siarhieja Hudzilina
Za arhanizacyju vybuchu byli zatrymanyja Dźmitryj Kanavałaŭ i Uładzisłaŭ Kavaloŭ. Na sudzie Kavaloŭ adčajna dakazvaŭ svaju nievinavataść, a Kanavałaŭ byŭ iniertnym.
30 listapada 2011 hoda ich pryznali vinavatymi i pryhavaryli da najvyšejšaj miery pakarańnia — rasstrełu. U sakaviku 2012 h. Kanavałaŭ i Kavaloŭ byli rasstralanyja.
Štohod, 11 krasavika, minčuki ŭ dzień teraktu prynosiać da miemaryjalnaha znaku na stancyi mietro «Kastryčnickaja» kvietki, kab ušanavać pamiać zahinułych.
Kamientary