tass.ru
U samaabvieščanaj Paŭdniovaj Asiecii da žniŭnia moža adbycca refierendum ab dałučeńni da Rasii, zajaviŭ kiraŭnik respubliki Leanid Cibiłaŭ u intervju ahienctvu TASS.
«Heta adbudziecca ŭžo ŭ niedalokaj budučyni, płanujem da žniŭnia», - skazaŭ jon.
Pa słovach Cibiłava, na refierendum vyniesuć pytańnie ab źmienie kanstytucyi Paŭdniovaj Asiecii. «Ja na sto adsotkaŭ upeŭnieny, što narod skaža «tak», — skazaŭ palityk.
Jon nahadaŭ, što ŭ 1992-m hodzie ŭ Paŭdniovaj Asiecii ŭžo prachodziŭ refierendum ab uvachodžańni ŭ skład Rasii. Tady žychary padtrymali hetuju inicyjatyvu, ale jana nie była realizavanaja. Pa słovach Cibiłava, jašče adzin plebiscyt z anałahičnym vynikam prajšoŭ u 2006 hodzie.
Ciapier respublika znachodzicca ŭ pracesie intehracyi z Rasijaj. U minułym hodzie Maskva i Cchinvali zaklučyli dahavor ab sajuznictvie. Dakumient praduhledžvaje ŭzajemnuju vajennuju abaronu ŭ vypadku napadu na adzin z bakoŭ.
Baki taksama damovilisia ab uvachodžańni asobnych vajennych padraździaleńniaŭ Paŭdniovaj Asiecii ŭ skład uzbrojenych sił Rasii.
Ciapier čytajuć
U 55 hadoŭ pamior stvaralnik brendu Serge Siarhiej Atroščanka10
Kamientary