U Amurskaj vobłaści Rasii dziaŭčyna vypadkova vykinuła $75 tysiač. Uvišnyja susiedzi znajšli na śmietniku: častku prapili, na reštu kupili dom
U pačatku lipienia ŭ Zavicinsku ŭ Natalli pamior baćka. Paśla pachavańnia jana pryjechała ŭ jaho dom i pačała prybiracca: sabrała niepatrebnyja rečy i vykinuła ich na zvałku.
Pakolki raniej baćka płanavaŭ kupić dom u Padmaskoŭi, kab žyć bližej da dački, Natalla vyrašyła pašukać adkładzienyja im 6 miljonaŭ rasijskich rubloŭ (75 tysiač dalaraŭ). Ale nidzie ich nie znajšła — ni na rachunkach, ni ŭ domie, piša Baza.
Pakolki Zavicinsk — horad nievialiki, čutka pra toje, što jaje susiedzi Natalla B. i Eduard K. znajšli bujnuju sumu hrošaj, raźniesłasia chutka. Dziaŭčyna pryjšła da ich pahavaryć, ale tyja ŭsio admaŭlali i śćviardžali, što nijakich hrošaj nie znachodzili. Tady Natalla padała zajavu ŭ palicyju.
U chodzie rasśledavańnia vyśvietliłasia, što susiedzi sapraŭdy sarvali džekpot: adkładzienyja miljony lažali va ŭpakoŭkach z-pad muki na zvałcy. Natalla B. skazała, što častku hrošaj prapiła i patraciła ŭ saŭnie, a astatniaje — nibyta skrali niejkija padletki. Adnak paźniej vyśvietliłasia, što žančyna paśpieła kupić sabie novy dom.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j8
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary