Servis, jaki dazvalaje dziaŭčatam abmieńvacca źviestkami pra mužčyn, staŭ samym papularnym u ZŠA. Ale niešta pajšło nie tak
Tea — mabilnaja prahramka, stvoranaja, kab žančyny mahli papiaredžvać adna adnu pra nieadekvatnyja pavodziny mužčyn, ź jakimi jany sustrakalisia, stała pieršym pa spampoŭvańniach z Apple Store u ZŠA. A 25 lipienia chakiery ŭzłamali servis, źliŭšy ŭ internet kala 72 tysiač piersanalnych danych karystalnic.
Prahramka Tea była stvoranaja dla taho, kab žančyny mahli abmiarkoŭvać mužčyn, dzialicca dośviedam i praviarać svaich patencyjnych partnioraŭ.
Servis staŭ samym papularnym u ZŠA — jaho spampoŭvali čaściej za ChatGPT, Threads ci Google.
Akramia samich «plotak», žančyny ŭ Tea mohuć hladzieć, ci mužčyna byŭ raniej asudžany pa artykułach, źviazanych z seksualizavanym hvałtam, ci źjaŭlaŭsia jon u bazach takich złačyncaŭ.
Chłopcaŭ možna paznačać katehoryjami «čyrvony ściažok» (kali čałaviek ličycca niebiaśpiečnym) ci «zialony ściažok» (kali ničoha drennaha za im zaŭvažana nie było).
Stvaralniki vieryli, što takim čynam udasca zrabić ramantyčnyja znosiny bolš biaśpiečnym dla žančyn.
Zasnavalnik kampanii Šon Kuk (Sean Cook), kazaŭ, što ideja dadatku pryjšła da jaho z asabistaha dośviedu ŭ 2022 hodzie. Prahramist bačyŭ, jak jaho maci, sama nie viedajučy taho, chadziła na spatkańni ź ludźmi, jakija mieli kryminalnaje minułaje, ale chavali jaho za svaimi staronkami ŭ sacsietkach.
Važna, što ŭ ZŠA ŭžo była dahetul padobnaja sistema z acenkaj mužčyn: dla žančyn stvarali asobnyja forumy na fejsbuku, takija, jak «Ci my sustrakajemsia z adnym i tym ža chłopcam?».
Z rostam papularnaści Tea jaho pačali krytykavać za ŭvarvańnie ŭ asabistaje žyćcio mužčyn, śćviardžajučy, što servis prosta hańbić ich.
Naprykład, kałumnistka The Times pisała, što prahramka vyjšła taksičnaja i niespraviadlivaja.
«Prahramku apraŭdvajuć idejaj prazrystaści: niama čaho chavać, niama čaho bajacca. Ale heta prosta samasud, całkam zaležyć ad sumleńnia ananimnych žančyn. Jaki mužčyna advažycca znoŭ sustrakacca z žančynaj, kali budzie isnavać Tea?», — kazała jana.
Ad samich karystalnic pry rehistracyi patrabujecca vieryfikacyja — fota asabistaha dakumienta i sełfi. Heta było zroblena, kab u prahramcy nie było fejkavych staronak i dostup tudy byŭ tolki dla žančyn.
Tut i adbyłasia asnoŭnaja prablema. 25 lipienia chakiery ŭzłamali servis i źlili ŭ internet kala 72 tysiač fotazdymkaŭ. Siarod ich — kala 13 tysiač fotazdymkaŭ piersanalnych dakumientaŭ žančyn. Byli apublikavanyja nie tolki ich fota i danyja, ale i naŭprost karta z adrasami, dzie jany žyvuć.
Praź dzień kampanija vystupiła z zajavaj, dzie pryznała ŭciečku piersanalnych danych i zapeŭniła, što źviarnułasia da ekśpiertaŭ pa kibierbiaśpiecy, jakija likvidujuć prablemu. Pa ich słovach, źlityja byli tolki źviestki pra tych, chto zarehistravaŭsia ŭ Tea da lutaha 2024 hoda.
Ciapier čytajuć
Cichanoŭski patłumačyŭ, čamu jon tak pavodziŭ siabie ŭ Ńju-Jorku69
Kamientary
Takoj bried v staťje podrazumievajet, čto avtor i čitatieli živut v otryvie ot riealnosti, nie polzujutsia socsietiami i diejtinhami, a takžie, naviernoje, nie obŝajutsia ni s kiem iz polzovatielej socsietiej i diejtinhov. Eto užie nie śmiešno. Viernitieś v riealnosť.
U ZŠA možna źbirać i raspaŭsiudžvać piersanalnyja danyja inšych ludziej (imia, proźvišča, telefon, adras na skrynšocie) bieź ich dazvołu?