«Raptam rasšpiliŭ štany i prademanstravaŭ svaje pałavyja orhany» — u Minsku złavili ekshibicyjanista ŭ kamandziroŭcy
Supracoŭnikami Frunzienskaha RUUS Minska za ździajśnieńnie chulihanskich dziejańniaŭ seksualnaha charaktaru zatrymany 30-hadovy žychar Salihorska.
U milicyju pastupiła telefanavańnie ad dziaŭčyny, jakaja raspaviała, što niekalkimi chvilinami raniej, prachodziačy kala mietro ź dźviuma siabroŭkami, jany ŭbačyli mužčynu, jaki raptam rasšpiliŭ štany i prademanstravaŭ im svaje pałavyja orhany. Paśla taho, jak jany praviali adnu ź dziaŭčyn na prypynak i viartalisia da mietro, złamyśnik praciahnuŭ svaje dziejańni.
Infarmacyja pra vypadak i prykmiety padazravanaha byli pieradadzienyja ŭsim bližejšym naradam, jakija paźniej i zatrymali jaho.
— U chodzie dalejšych apieratyŭna-vyšukovych mierapryjemstvaŭ było ŭstanoŭlena, što mužčyna raniej nie sudzimy, u Minsk pryjechaŭ u kamandziroŭku, — raspavioŭ pieršy namieśnik načalnika ŭpraŭleńnia — načalnik kryminalnaj milicyi Alaksandr Pałulech. — U dačynieńni da mužčyny raspačata kryminalnaja sprava pa č.1 art.339 ( «Chulihanstva») Kryminalnaha kodeksa Respubliki Biełaruś, a taksama jość padstavy mierkavać, što jon datyčny da ździajśnieńnia anałahičnych dziejańniaŭ u dačynieńni da inšych hramadzian.
Kali Vy majecie važnuju dla milicyju infarmacyju, prośba paviedamić pra heta ŭ Frunzienskaje RUUS h.Minska asabista abo pa telefonach: 8 (017) 207-67-67, 8 (017) 213-08-25 albo 102.
U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć6
Kamientary