U Jerevanie znajšli miortvaj 23‑hadovuju čačenku, jakaja ŭciakła z Rasii ad siamiejnaha hvałtu. Jaje zadušyli
Źnikłuju 15 kastryčnika ŭ Jerevanie 23‑hadovuju Ajšat Bajmuradavu znajšli miortvaj, paviedamlaje palicyja Armienii. Heta paćvierdzili The Insider i znajomyja Bajmuradavaj. Dziaŭčyna pry dapamozie pravaabaroncaŭ uciakła z Rasii ad chatniaha hvałtu.
Znajomyja zahinułaj raskazali The Insider, što dziaŭčynu znajšli ŭ noč ź niadzieli na paniadziełak, 20 kastryčnika:
«Ajšat znajšła palicyja razam z haspadarami kvatery (dzie žyła dziaŭčyna, ź jakoj sustrełasia Bajmuradava napiaredadni svajho źniknieńnia — zaŭv. The Insider). Jana pajšła hulać ź siabroŭkaj: nakolki ja razumieju, heta była padstava.
Jana paznajomiłasia ŭ Instagram z čačenkaj, i taja paklikała jaje na sustreču. Paśla hetaha jana bolš nie vychodziła na suviaź».
«Jana tam akazałasia nie vypadkova, heta sto adsotkaŭ», — kaža adzin z surazmoŭcaŭ The Insider.
Ajšat pierastała vychodzić na suviaź 15 kastryčnika, paśla taho jak pajšła na sustreču z «siabroŭkaj z Instagram» i nie viarnułasia.
Paźniej siarod padpisčykaŭ dziaŭčyny, ź jakoj pavinna była sustrecca Bajmuradava, znajšli ludziej z akružeńnia Ramzana Kadyrava.
Pravaabaronca Lidzija Michalčanka, jakaja była na suviazi z zahinułaj, paviedamiła «Ahientstvu», što Ajšat zadušyli.
Pavodle słoŭ Michalčanki, ludzi, jakija mohuć być datyčnyja da zdareńnia, trapili na kamieru videanazirańnia, ustanoŭlenuju za domam. Heta dva čałavieki, adnaho ź jakich pravaabaronca nazyvaje «navodčycaj». Ludzi, jakija trapili na kamiery, užo źjechali ŭ Rasiju, adznačyła Michalčanka.
Dziaŭčaty z respublik Paŭnočnaha Kaŭkaza, jakija ŭciakli ad siamiejnaha hvałtu i pierśpiektyvy prymusovaha šlubu, rehularna padviarhajucca pieraśledu ŭ inšych rehijonach Rasii abo susiednich krainach, dzie chavajucca ad svaich siemjaŭ.
Samaj hučnaj takoj historyjaj stała vykradańnie čačenki Siedy Sulejmanavaj. Jaje vykrali ŭ Sankt-Pieciarburhu ŭ 2023 hodzie i hvałtam pavieźli ŭ Čačniu. Z tych časoŭ pra jaje ničoha nie viadoma. Siabry i pravaabaroncy ličać, što Siedu zabili svajaki.
Kamientary