Uviečary ŭ niadzielu, 10 krasavika, u rasijskim Novasibirsku kala TRC «Halereja. Novasibirsk» adbyłasia bojka pamiž kiroŭcami.
Jak paviedamlaje NDN.info sa spasyłkaj na paciarpiełaha ŭ zdareńni biznesmena Vadzima Malcava, pryčynaj kanfliktu stała niapravilnaja parkoŭka aŭtamabila «Nisan», jaki pieraharadziŭ prajezd mašynie Vadzima. Malcaŭ udakładniaje, što sproba pahavaryć z kiroŭcam inšamarki i prośba pieraparkavacca pryviali tolki da słaviesnaj svarki, padčas jakoj u bok biznesmena pačuŭsia «adborny mat». Tady Malcaŭ pajšoŭ na chitraść — vyciahnuŭ z kišeni adviortku i insceniravaŭ prakoł zadniaha koła «Nisana».
Reakcyja była nieadkładnaja — z mašyny vyjšaŭ mužčyna, našmat bolšy za Vadzima pa habarytach, jaki vydaŭ tyradu abraz. Svarka pierarasła ŭ bojku. Nieŭzabavie da bojki padklučyŭsia niejki «čałaviek u rasie», jaki da hetaha siadzieŭ na zadnim siadzieńni «Nisana». Mužčyna ŭ kaściumie śviatara nakinuŭsia na Malcava sa śpiny i niekalki razoŭ udaryŭ jaho pa hałavie ciažkim kryžam.
Spyniŭ bojku narad palicyi, jaki prybyŭ na miesca zdareńnia. Užo ŭ adździaleńni ŭdzielniki bojki napisali adzin na adnaho zajavy, abvinavačvajučy ŭ kanflikcie, paśla čaho razyšlisia.
Jak udałosia vyśvietlić žurnalistam, udzielnikam bojki ŭ rasie akazaŭsia były śviatar Novasibirskaj jeparchii ihumien Fieadosij (Alaksandr Čarniajkin). Jašče ŭ 2011 hodzie baciuška trapiŭ pad carkoŭny sud za parušeńnie manaskich zarokaŭ — naprykład, samavolnaje pakidańnie manastyra, prodaž juvielirnych vyrabaŭ, udzieł u pieradvybarnaj kampanii deputata i zakliki da carkoŭnych raskołaŭ. Novasibirskaja jeparchija zabaraniła Čarniajkinu našeńnie manaskaj vopratki i śviatarskaha kryža i navat zrabiła zvarot z zaklikam nie kantaktavać z afierystam.
-
«Paśla apošniaj razmovy z maim papiarednikam bomby ŭpali na dziciačuju balnicu va Ukrainie». Mierc upeŭnieny, što nie treba ŭhavorvać Pucina
-
Rasija pašyryła svajo pradpryjemstva pa vytvorčaści stratehičnych bambavikoŭ. Ale sistemnych prablem heta nie vyrašaje
-
U Detrojcie raskidali ź viertalota tysiačy dalaraŭ. Usim dastałosia patroški
Ciapier čytajuć
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary