Kolki kaštuje prajechać u Polšču biez čarhi, kali vyjezdu čakaje bolš za 2400 mašyn
Ciaham tydnia na vyjezd ź Biełarusi ŭ Polšču stabilna staić bolš za 2000 lehkavikoŭ. Z rostam čarhi pavialičvajucca i staŭki na pazačarhovy prajezd.
U Polšču na aŭto možna trapić užo tolki ŭ lipieni
Pa stanie na 16 hadzin piatnicy, vyjezdu ź Biełarusi ŭ Polšču čakajuć 2420 lehkavikoŭ. Tyja, chto siońnia zaniaŭ miesca ŭ elektronnaj čarzie, zmohuć trapić u Polšču nie raniej, čym praz 5 sutak.
Karystalnik adnaho z pryhraničnych čataŭ adspravazdačyŭsia, što staŭ u čarhu 2055-m i zajechać u punkt propusku jaho zaprasili praz 4 sutak i 12 hadzin.
Čałaviek, jaki zarehistravaŭsia ŭ čarzie dniom 22 červienia, u Polšču trapiŭ tolki nočču 27 červienia. I heta była 1998-ja pazicyja ŭ elektronnaj čarzie.
Z ulikam taho, što ciapier u čarzie bolš za 2400 mašyn, trapić u Polšču možna budzie pryblizna praz 130 hadzin — heta kala 5,5 sutak. To bok užo ŭ lipieni.
«Pryjarytetnyja» pasažyry ŭ dapamohu
Niekatoryja pasažyry majuć prava na pazačarhovy ŭjezd u aŭtadarožnyja punkty propusku. Da takich adnosiacca invalidy I hrupy, asoby ź dziećmi va ŭzroście da 3 hadoŭ abo dziećmi-invalidami da 18 hadoŭ, a taksama niekatoryja inšyja katehoryi. Z poŭnym śpisam možna aznajomicca pa spasyłcy. Hetym praviłam karystajucca tyja, chto choča prajechać chutčej.
Kali čarha adnosna nievialikaja, možna znajści «pryjarytetnaha» pasažyra, jaki za 100 dalaraŭ abo jeŭra padsiadzie da vas u aŭto i pierajedzie praź miažu.
Ale ciapier, kali čakać zajezdu treba 4—5 dzion, staŭki vyraśli. Za pazačarhovy prajezd prosiać užo 200 jeŭra. Za takija hrošy miažu hatova pierasiekčy, naprykład, maci ź dziciom (nie ŭdakładniajecca, ź dziciom da troch hadoŭ ci ź invalidnaściu).
Žančyna vyhladaje daśviedčanaj: viedaje, kolki zajmaje prachodžańnie miažy, i ahučvaje sumu za svaje pasłuhi jašče da taho, jak ty paśpiavaješ spytać.
Pry hetym varta adznačyć, što ciapier znajści takoha pasažyra davoli składana. Na zapyt ab pošuku ŭ adkaz prychodzić bolš paviedamleńniaŭ ad tych, chto taksama šukaje mahčymaść vyjechać biez čarhi, čym ad samich «pryjarytetnych» pasažyraŭ.
Ludzi, jakija časta karystajucca takimi pasłuhami, raskazali, što mnohija ŭžo majuć pa 2—3 kantakty takich ludziej i zahadzia branirujuć ich dla pajezdki ŭ Polšču.
Admietna, što padobnyja pasažyry zvyčajna zarablajuć i na zvarotnym šlachu — kali pieravoziać tavar abo prosta «pradajuć» svaje kiłahramy inšym, kab tyja mahli aformić tavar na ich.
-
Elektronnyja tabło z raskładam bolš nie buduć viešać na prypynkach. U Minsktransie patłumačyli pryčyny
-
Uzłamany akaŭnt «Linii Stalina» pačaŭ publikavać zvodki pra sotni źbitych nad Rasijaj bieśpiłotnikaŭ — nichto nie zaŭvažyŭ padvochu
-
Łaŭreatam Nacyjanalnaj litaraturnaj premii staŭ palitołah-prapahandyst Vadzim Baravik
Ciapier čytajuć
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta7
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary