Paźniak pryhadaŭ pra Cichanoŭskaha jak «čałavieka Maskvy na śpieczadańni ŭ Biełarusi», ale dapuściŭ jahonaje vypraŭleńnie
Paśla raniejšaha biezapielacyjnaha śćviardžeńnia, što ŭłady «vypuskajuć tolki prarasijskich ludziej, a nie biełaruskich patryjotaŭ», vieteran biełaruskaha ruchu Zianon Paźniak pahladzieŭ pres-kanfierencyju Siarhieja Cichanoŭskaha, jakaja adbyłasia na druhi dzień paśla jahonaha vyzvaleńnia z turmy, i padkarektavaŭ svaju pazicyju ŭ bok jaje źmiakčeńnia.
Pavodle słoŭ Zianona Paźniaka, na pres-kanfierencyi Siarhieja Cichanoŭskaha,
«prademanstravana nahladnaje śviedčańnie biesčałaviečnaści łukašysckaha režymu. Čałavieka na praciahu piaci hadoŭ niezakonna, z parušeńniem isnujučych turemnych instrukcyjaŭ i praviłaŭ, katavali i prynižali realna za niepryniaćcie režymu Łukašenki ŭ čas vybarčaj kampanii».
Paśla taho Paźniak daŭ adnaznačna niehatyŭnuju acenku dziejnaści Cichanoŭskaha piać hadoŭ tamu:
«U 2020 hodzie biełarus Siarhiej Cichanoŭski zapomniŭsia mnie jak čałaviek Maskvy na śpieczadańni ŭ Biełarusi. Jon nahladna ažyćciaŭlaŭ raspracoŭki prarasiejskaj «apazicyi» z kličam «Stop tarakan» zamiest «Žyvie Biełaruś» i z demanstracyjaj nadzvyčaj brydkaj źjavy — publičnaha našeńnia ahromnistaha butaforskaha tapka-šlopanca zamiest Pahoni, jakim, maŭlaŭ, pa zvyčajach rasiejskaha bytu, treba bić tarakana (a «tarakan» — heta Łukašenka)».
U toj ža čas Paźniak zaŭvažaŭ tady ŭ hetym «čałavieku Maskvy na śpieczadańni ŭ Biełarusi» i dobryja rysy:
«Tym časam ja bačyŭ z vyhladu prystojnaha, rašučaha, dziełavoha chłopca-biełarusa (choć havaryŭ pa-rasiejsku), krytyčna nastrojenaha, biez falšy ŭ pavodzinach, zdolnaha na adkrytyja kantakty ź ludźmi, jaki źbiraŭ podpisy dla ŭdziełu ŭ vybarach i adnačasna vystupaŭ… za bajkot vybaraŭ».
Takoha čałavieka musili pasadzić jašče da startu, dumaŭ tady Paźniak, što ŭrešcie i stałasia.
«U mianie było adčuvańnie, što jon, mahčyma, nie błahi chłapiec, prosta nie tudy trapiŭ i nie tam pryhadziŭsia, jak šmat jakija biełarusy ŭ pramaskoŭskim režymie. Tym bolš što «Cichanoŭski» — heta proźvišča sa šlachieckaha biełaruskaha rodu, sa šlachty, jakaja niekali siekła maskaloŭ pad Mścisłavam i Smalenskam. Ja navat napisaŭ tady pra heta ŭ adnym z artykułaŭ», —
pryhadvaje vieteran biełaruskaha ruchu, adznačajučy, adnak, što
«vobraz Siarhieja Cichanoŭskaha zastaŭsia ŭ palitycy z 2020 hoda. Heta prarasiejski čałaviek, prychilnik Pucina i Maskvy, asoba sa śpisu «Miratvorac».
Adnak ža situacyja navat z takimi ludźmi moža mianiacca:
«Na kanfierencyi ja ŭbačyŭ inšaha čałavieka. I hety čałaviek, što prajšoŭ praz pakuty, mnie zdaŭsia lepšym, čym toj, što kryčaŭ: «Tarakan!» Mahčyma, pakuty ahalili źmiest. Najpierš u jaho jość empatyja i žal za inšych. Jon moža płakać (heta važna). I što dla mianie niečakana — jon vieryć u Boha i pravasłaŭny viernik (kali b tolki nie RPC)».
A tamu, ličyć Zianon Paźniak:
«Kali Boh pakłaŭ voka na čałavieka, Jon dapuskaje jamu pakuty, jakija toj zdolny vycierpieć. Paśla ciarpieńnia moža stać adradžeńnie śviadomaści, adnaŭleńnie ducha, bo čałaviek praz pakuty zdolny ŭbačyć toje, čaho nie bačyŭ raniej».
Praŭda, pry hetym robić i važnuju ahavorku:
«Ale moža i nie być praśviatleńnia. Tut volny vybar i mahčymaści asoby».
Paźniak: Vypuskajuć tolki prarasijskich ludziej, a nie biełaruskich patryjotaŭ
Paźniak pra vyzvaleńnie palitviaźniaŭ: Jany kryčali: «dušyć sankcyjami». Toje, što my bačym — padrychtavali inšyja
«Pieten Nacyjanalnaha Adradžeńnia». Barkoŭski adkazaŭ Paźniaku ad imia «psieŭdaapazicyi»
Paźniak: I režym Łukašenki, i psieŭdaapazicyja — heta adno i toje ž
Paźniak pavažliva vykazaŭsia pra Cichanoŭskaha
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi8
Kamientary