Kolkaść zahinułych u vyniku dvuch ziemlatrusaŭ u Japonii pavialičyłasia da 27 čałaviek, niekalki sotniaŭ atrymali roznyja traŭmy.
Druhi ziemlatrus adbyŭsia ŭ noč na subotu. Jaho mahnituda skłała 7,3, ačah znachodziŭsia na hłybini 10 kiłamietraŭ. Pieršaje ziemlatrus mahnitudaj 6,5 adbyŭsia ŭ čaćvier. Tady zahinuli dzieviać čałaviek.
Ułady prefiektury Kumamota na vostravie Kiusiu, dzie najbolš mocna adčuvalisia šturški, paviedamlajuć pra mocnyja razbureńni, paškodžanyja darohi i linii elektrapieradač, miascovaja balnica była evakujavanaja z-za niebiaśpieki abvału.
U horadzie Jatsušyra pačalisia pažary, u mnohich haradach adbylisia adklučeńni elektryčnaści.
U rehijon prybyli dadatkovyja vyratavalnyja atrady i vajskovyja padraździaleńni, jakija šukajuć pad zavałami budynkaŭ ludziej i dapamahajuć tym, chto zastaŭsia biez prytułku.
Pastupaje taksama šmat źviestak ab ludziach, zabłakavanych pad abłomkami budynkaŭ, siarod ich niekalki dziasiatkaŭ žycharoŭ doma dla sastarełych u Mašyki.
Było abvieščana papiaredžańnie ab mahčymaści cunami, jakoje było źniata praz 50 chvilin. Pa paviedamleńniach telekanała NHK, u vioscy Nisichara pavaliłasia płacina.
Pry hetym, jak śćviardžajuć miascovyja ŭłady, nivodnaje z atamnych enierhietyčnych pradpryjemstvaŭ nie paciarpieła.
Tysiačy ludziej pakinuli svaje damy, bajučysia, što tyja mohuć abvalicca. Jany zastajucca na vulicach i ŭ parkach, schavaŭšysia ad choładu koŭdrami.
Novaje ziemlatrus adbyłosia praz krychu bolš sutak paśla taho, jak u hetym ža rajonie ŭ vyniku padziemnych šturškoŭ mahnitudaj 6,4 bała zahinuli nie mienš za dzieviać čałaviek.
Kamientary