Namieśnik kiraŭnika bresckaha BRSM pra pryjezd Załdastanava: «Takich emocyj u zmaharoŭ nie było navat na vizit Pucina»
Druhi sakratar bresckaha haradskoha adździaleńnia BRSM Piatro Picko adpisaŭsia adnosna sustrečy siabrami arhanizacyi psieŭdabajkieraŭ z «Načnych vaŭkoŭ». U Breście Załdastanava i kampaniju z čyrvona-zialonymi ściahami sustrakaŭ asabista vykonvajučy abaviazki pieršaha sakrataha haradskoha BRSM Dzianis Silivonik.
Picko napisaŭ na svajoj staroncy Ukantakcie: «Pryjechaŭ Chirurh. Daŭ pa karku niaŭdačniku-libierastu Leŭčuka [majecca na ŭvazie brescki žurnalist Aleś Laŭčuk]. Takoha vybuchu emocyj u našych zmaharoŭ nie było navat na pryjezd Pucina. Zdajecca, zvyčajny bajkier, a burleńnie revalucyjanieraŭ jak na majdanie vyklikaŭ. Ničoha skazać pra jaho nie mahu: ni dobraha, ni drennaha, ale, vidać, surjozny dziadźka, kali našy «jeŭrapiejcy» tak zamitusilisia jaho sprobaj naviedać mahiły savieckich sałdat».
«NN» učora sprabavała atrymać kamientary adnosna sustrečy Załdastanava ŭ Breście, adnak kiraŭnik haradskoha BRSM Dzianis Silivonik admoviŭsia razmaŭlać. Vizit «Načnych vaŭkoŭ» u Brest adbyvaŭsia ŭžo paśla słovaŭ Załdastanava, što «Biełaruś – heta Rasija».
Kamientary