Lidar biełaruskaj bijatłonnaj zbornaj, alimpijskaja čempijonka Darja Domračava nie znachodzicca na słužbie ŭ Kamitecie dziaržaŭnaj biaśpieki. Pra heta 4 maja paviedamiŭ načalnik pres-słužby KDB Dźmitryj Pabiaržyn, kamientujučy infarmacyju, jakaja źjaviłasia ŭ ŚMI napiaredadni, ab tym, što spartsmienka źjaŭlajecca staršym lejtenantam Kamiteta dziaržbiaśpieki.
Paviedamleńni ab słužbie Domračavaj u KDB źjavilisia sa spasyłkaj na sajt BFST «Dynama», členam jakoha źjaŭlajecca słavutaja bijatłanistka. U karotkaj bijahrafii Domračavaj, raźmieščanaj na hetym resursie, zhadvałasia: «Prachodzić słužbu ŭ SK KDB Respublika Biełaruś, st. lejtenant». Blizu viečara 3 maja infarmacyja była vydalenaja z sajta «Dynama». Jak rastłumačyli ŭ adździele infarmacyi i hramadskich suviaziaŭ BFST, heta było zroblena ŭ suviazi z tym, što źviestki sastareli, «i Domračava užo nie źjaŭlajecca členam SK KDB».
«Da červienia 2014 hoda Domračava znachodziłasia na słužbie ŭ KDB, ale ŭ hety momant Darja Uładzimiraŭna nie źjaŭlajecca supracoŭnikam viedamstva», — rastłumačyŭ Pabiaržyn. Źviestak pra toje, u jakim zvańni Domračava znachodziłasia na słužbie i z-za jakich pryčyn pakinuła KDB, u pres-słužbie kamiteta nie majuć.
Na pytańnie, chto ź inšych viadomych biełaruskich spartsmienaŭ znachodzicca na słužbie ŭ KDB, Pabiaržyn adkazaŭ: «Na žal, my nie možam raspaŭsiudžvać hetuju infarmacyju».
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary