Abnaŭleńnie antyvirusa ledź nie zabiła čałavieka padčas apieracyi na sercy ŭ amierykanskaj klinicy
U adnoj z klinik ZŠA padčas chirurhičnaj apieracyi na sercy važnaje prahramnaje zabieśpiačeńnie spyniła pracu praz abnaŭleńnie antyvirusa. Na ščaście, pacyjenta ŭdałosia vyratavać, pieradaje Softpedia.
Fota merge.com
Prybor, ź jakim uźnikła prablema, — kompleks Merge Hemo, jaki miedyki vykarystoŭvajuć dla kantrolu pracedury katetaryzacyi serca. Padčas katetaryzacyi ŭ vienu abo arteryju ŭvodziać asablivuju połuju hnutkuju trubku, kab vyvučyć imaviernyja patałohii serca.
Padčas adnoj takoj pracedury ekran kampjutara, za jakim sačyli miedyki, staŭ čornym. Daktary vymušanyja byli pierazapuścić prybor, kab praciahnuć apieracyju, zmarnavali na heta kaštoŭnyja chviliny. Pacyjent u hety čas byŭ pad narkozam.
Paźniej vyśvietliłasia, što pryčynaj niečakanaha zboju stała prahrama-antyvirus, jakaja była ŭstalavanaja na kampjutary i zaprahramavanaja na poŭnaje skanavańnie kampjutara štohadzinu. U vyniku skaniravańnie pačałosia pasiarod apieracyi, a nieabchodnaja miedykam prahramma zavisła. Miedyki zmahli pierazahruzić kamputar i zaviaršyć praceduru bieź jakich-niebudź ryzyk dla zdaroŭja pacyjenta.
Incydent adbyŭsia jašče ŭ lutym 2016 hoda, adnak infarmacyja pra jaho stała bolš viadomaj tolki ciapier. Nazvu kliniki nie razhałošvajuć. Rasśledavańnie pakazała, što niebiaśpiečnuju dla žyćcia pacyjenta pamyłku ździejśniŭ čałaviek, jaki ŭstaloŭvaŭ antyvirus i zajmaŭsia jaho naładkami.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary