Ananim, jaki stajaŭ za uciečkami tak zvanych «panamskich daśje» firmy Mossack Fonseca, patłumačyŭ, čamu pieradaŭ papiery žurnalistam.
Čałaviek, jaki nazyvaje siabie Džon Doŭ, źviarnuŭsia da publiki praz hazietu Süddeutsche Zeitung, žurnalistam jakoj jon u svoj čas pieradaŭ papiery Mossack Fonseca. Poŭnaja viersija jaho manifiestu na anhlijskaj movie dastupnaja na sajcie haziety.
U svajoj zajavie Džon Doŭ kaža pra toje, što sudy pa ŭsim śviecie «całkam nie spravilisia sa svajoj zadačaj — razabracca ź mietastazami afšornych zon, raskidanymi pa płaniecie».
«Ja vyrašyŭ raspavieści pra rabotu Mossack Fonseca, bo liču, što jaje zasnavalniki, supracoŭniki i klijenty pavinny nieści adkaznaść za tuju rolu, jakuju hrali ŭ jaje złačynstvach, ź jakich pakul tolki častka ahałošanaja», — havorycca ŭ zajavie.
Džon Doŭ taksama zajaŭlaje, što nie pracuje ni na adzin z suśvietnych uradaŭ abo śpiecsłužbaŭ. «Moj punkt hledžańnia naležyć vyklučna mnie, jak i rašeńnie padzialicca dakumientami z žurnalistami Süddeutsche Zeitung i Mižnarodnaha kansorcyuma žurnalistaŭ-rasśledavalnikaŭ (ICIJ)», — piša aktyvist.
Svaim hałoŭnym matyvam Džon Doŭ nazyvaje baraćbu ź niaroŭnaściu. Na jaho dumku, «niaroŭnaść u dachodach — adzin z vyznačalnych aśpiektaŭ našaj epochi».
«Banki, finansavyja rehulatary i padatkovyja orhany paciarpieli niaŭdaču. Byli pryniatyja rašeńni, jakija nie datyčylisia bahatych, škodziačy intaresam siaredniaha kłasa i ludziej ź nievialikim prybytkam», — piša jon.
Na pačatku krasavika ŭ rasparadžeńni najbujniejšych suśvietnych ŚMI apynulisia miljony dakumientaŭ, u jakich pakazvajecca, što Panamskaja kampanija Mossack Fonseca u šerahu vypadkaŭ dapamahała klijentam admyvać hrošy, paźbiahać sankcyj i padatkaŭ.
U dakumientach zhadvajucca 72 ciapierašnija abo byłyja kiraŭniki dziaržaŭ, a taksama vysokapastaŭlenyja čynoŭniki, biźniesmieny i dziejačy kultury, u tym liku siabry rasijskaha prezidenta Uładzimira Pucina.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy5
Kamientary