Biełaruski siaredni zarobak: mienšy, čym u Hruzii i Armienii, ale bolšy, čym u Kyrhyzstanie – statystyka
Paśla letašniaha abvalnaha padzieńnia cen na naftu paraŭnoŭvać zarobak biełarusaŭ z zachodnimi susiedziami stała niekarektna — ličby adroźnivajucca ŭ 3—4 razy nie na karyść Biełarusi.
Što ž, daviadziecca zazirnuć da byłych znajomych pa SSSR. Jakija hrošy zarablajuć u postsacyjalistyčnych krainach — ad Kyrhyzstana da Małdovy?
Nahadajem, u sakaviku zarobak u Biełarusi skłaŭ $344 «brudnymi». Tut i nadalej budziem ukazvać ličby da spłaty padatkaŭ.
Samaje bahataje žyćcio u krainach Bałtyi. Jak jany ranžyrujucca miž saboj?
Rekardsmien — Estonija. U čaćviortym kvartale minułaha hoda tut zarablali $1210.
Uśled idzie Łatvija, dzie letaś u śniežni rabotnikam było naličana $979. A voś u Litvie ŭ čaćviortym kvartale minułaha hoda — $829.
Rasija doŭhija hady dahaniała krainy Bałtyi, ale naftavy kryzis istotna pahoršyŭ dabrabyt hramadzianaŭ. Ciapier u samaj vialikaj dziaržavie śvietu rabotniki atrymlivajuć $435. Heta dadzienyja za luty.
Ciažka pavieryć, ale, pavodle statystyki, maleńkaja Hruzija amal dahnała vialikuju Rasiju! Pavodle padlikaŭ miascovych śpiecyjalistaŭ, u čaćviortym kvartale minułaha hoda zarobak daros da $422.
Paśla devalvacyj kazachstanskaha tenhie siaredni zarobak apuściŭsia da $388. Heta papiarednija padliki za sakavik.
Raniej pamiž Kazachstanam i Armienijaj była prorva pa zarobkach, adnak pa Armienii naftavy kryzis udaryŭ niamocna, i kurs miascovaj valuty amal nie źmianialisia. U sakaviku zarobak u hetaj krainie składaŭ $382.
A voś žychary Azierbajdžana paciarpieli bolš. U pačatku hoda siaredni zarobak składaŭ usiaho $300, choć raniej naftavyja hrošy dazvalali isnavać biaźbiedna.
Najhoršyja siarod jeŭrapiejskaj častki byłoha SSSR — Małdova i Ukraina. Zarobak u ich raście, ale nadzvyčaj pavolna. U Małdovie zarobak składaje $233 — heta dadzienyja za luty.
Ukrainskaja ekanomika ŭsio jašče nie moža adyści ad rasijskaj ahresii na ŭschodzie krainy. Siaredni zarobak u sakaviku składaŭ $186 (za vyniatkam akupavanych terytoryj).
Dabrabyt u siarednieazijackich krainach jašče nižejšy. Statystyka Kyrhyzstana paviedamlaje pra $174.
Aficyjnaja statystyčnaja infarmacyja pra Uźbiekistan, Tadžykistan i Turkmienistan nie adpaviadaje rečaisnaści praź isnavańnie čornych kursaŭ u krainach. Naprykład, va Uźbiekistanie aficyjny kurs adroźnivajecca ad rynkavaha ŭ 2,2 razu. Padobnaja situacyja i ŭ susiednich krainach. Pry pieraliku pa rynkavym kursie siaredni zarobak u ich nie pieravyšaje $150.
* * *
Siaredni zarobak «brudnymi» ŭ krainach byłoha SSSR.
1. Estonija — $1210
2. Łatvija — $970
3. Litva — $829
4. Rasija — $435
5. Hruzija –- $422
6. Kazachstan –- $388
7. Armienija — $382
8. Biełaruś – $344
9. Azierbajdžan – $300
10. Małdova — $233
11. Ukraina –- $186
12. Kyrhyzstan –- $174
Kamientary